Büdcəli Moto G34 5G smartfonu təqdim edilib - QİYMƏTİ
Motorola şirkəti Moto G seriyasının yeni büdcəli smartfonunu təqdim edib. Söhbət, Moto G34 5G-dən gedir. Beləliklə Moto G34 5G smartfonu 120 Hz-lik təsvir yenilənməsinə sahib HD+ keyfiyyətli 6.5 düym OLED ekranla təchiz olunub. Ekranın yuxarı mərkəz hissəsində ön kamera üçün kiçik dairəvi çıxıntı yerləşdirilib. Barmaq izi skanı texnologiyası yandırıb/söndürmə düyməsinə inteqrasiya edilib. Smartfon həmçinin Dolby Atmos dəstəkli stereo səsgücləndiricilərə sahibdir.
Smartfon Snapdragon 695 prosessoru vasitəsilə çalışır və özündə 8 GB RAM-ı, 128 GB daxili yaddaş həcmini (microSD dəstəkli), 50 MP + 2 MP ikili arxa kameranı, 16 MP-lik ön kameranı və 18 vatt gücündə sürətli şarj texnologiyalı 5000 mAh enerji tutumlu batareyanı birləşdirir. Smartfon qutudan Android 14 vasitəsilə çalışır. Moto G34 5G artıq Çin bazarında 140$-a satışa çıxıb. Müəyyən müddətdən sonra smartfon həmçinin qlobal bazarda da satışa çıxacaq.
Şərhlər
Şərh yazmaq üçün Google və ya Facebook hesabınızla daxil olun.
Şərhlər yüklənir...
