Büdcəli Redmi 13C smartfonunun real fotoları və bəzi məlumatları ortaya çıxıb

     Biz artıq bir neçə dəfə xəbər vermişik ki, Xiaomi-nin Redmi brendi Redmi 13C adlı yeni büdcəli smartfonunu satışa çıxartmağa hazırlaşır. İndi isə internetdə sözügedən smartfonun real fotoları ortaya çıxıb. Söhbət, Redmi 13C-nin 4G versiyasından gedir. Ortaya çıxmış real fotolarda smartfon yaşıl gövdə rəngində əks olunub. Fotolardan birində əks olunmuş məlumatlara əsasən Redmi 13C smartfonu 90 Hz-lik təsvir yenilənməsinə sahib 6.74 düym ekranla təchiz olunacaq və özündə əsas kamerası 50 MP-lik olacaq üçlü arxa kameranı və 18 vatt gücündə sürətli şarj texnologiyalı 5000 mAh enerji tutumlu batareyanı birləşdirəcək. Bununla yanaşı smartfon 8 nüvəli prosessor vasitəsilə çalışacaq. Gözləntilərə əsasən Redmi 13C artıq yaxın zamanda satışa çıxacaq.