Bütün Samsung Galaxy S25 smartfonları Qualcomm-un yeni prosessorunu əldə edəcəklər
Cihazlar+
23.10.2024
Emil
Son bir neçə ay ərzində ortaya çıxmış məlumatlarda qeyd edilirdi ki, gələn ilin əvvəlində təqdim olunacaq Samsung Galaxy S25 smartfonlarında müxtəlif prosessorlardan istifadə ediləcək. Bəzi məlumatlarda smartfonların həm Exynos həm də Snapdragon, bəzilərində isə həm Exynos həm də MediaTek prosessorlarından istifadə ediləcəyi qeyd edilirdi. Lakin Ice Universe ləqəbli məşhur insayder bu mövzuya nöqtə qoymaq qərarına gəlib.
Belə ki, insayderin sözlərinə əsasən bütün Galaxy S25 smartfonları Qualcomm-un yeni flaqman prosessoru vasitəsilə çalışacaqlar. Söhbət, yenicə təqdim olunmuş Snapdragon 8 Elite prosessorundan gedir. Görünür, Samsung artıq Galaxy S25 smartfonlarında Exynos 2500 və ya MediaTek Dimensity 9400-ün istifadəsi ehtimalını nəzərdən keçirtmir. Bu isə o deməkdir ki, Galaxy S25 smartfonları bütün regionlarda Snapdragon 8 Elite prosessoru ilə satışa çıxacaqlar.
Paylaş
Ən çox oxunanlar
REDMI Turbo 4 Pro subflaqman smartfonu təqdim olunub - QİYMƏTİ
