Cambridge Audio CES 2026-da üç yeni simsiz kitab rəfi səsgücləndiricisini təqdim etdi

    Technote.az “Engadget” platformasına istinadən bildirir ki, Cambridge Audio CES 2026 sərgisində L/R Series adlı üç yeni aktiv kitab rəfi tipli simsiz səsgücləndiricisini təqdim edib. Yeni seriya həm simsiz, həm də kabel vasitəsilə istifadə imkanı verir və fərqli büdcə və ehtiyaclara uyğun modellərdən ibarətdir.

    Seriyanın ən güclü modeli L/R X hesab olunur. Bu model hər biri 400 vatt olmaqla ümumilikdə 800 vatt gücə malikdir və 2 299 dollar qiymətinə təqdim olunur. L/R X modeli 64-bit audio prosessoru, DynamEQ texnologiyası və Cambridge Audio-nun StreamMagic tətbiqi üzərindən Wi-Fi axın dəstəyi ilə gəlir. Dizayn baxımından isə alt hissədə LED işıqlandırma əlavə edilib. Orta seqmentdə yerləşən L/R M modeli 1,599 dollar qiymətə malikdir. Şirkət bildirir ki, bu model texniki baza baxımından flaqman versiyaya yaxındır, lakin gücü 300 vattdır. Burada da 2.5-yollu akustik quruluş qorunur: iki 4 düymlük woofer və 28 mm tweeter istifadə olunur. Passiv radiatorların ölçüsü isə 4.75 düymdür. L/R M də Wi-Fi axınını və LED alt işıqlandırmanı dəstəkləyir.

    Seriyanın ən əlçatan modeli L/R S adlanır və 549 dollar qiymətinə təqdim olunur. Bu modeldə 100 vatt güc, 21 mm sərt günbəz "tweeter" və 3 düymlük uzun gedişli "woofer" yer alır. Qiymətin daha aşağı olması bəzi məhdudiyyətlər də gətirir: Wi-Fi axını və LED işıqlandırma mövcud deyil, əvəzində Bluetooth aptX HD dəstəyi təklif olunur. Cambridge Audio bildirir ki, L/R seriyasının bütün modelləri qara, ağ, yaşıl, mavi, narıncı və qoz ağacı rəng seçimləri ilə 2026-cı ilin sonuna doğru satışa çıxarılacaq.