Corning şirkəti qatlana bilən smartfonların ekranları üçün qoruyucu şüşə üzərində çalışır
Cihazlar+
27.12.2020
Emil Nəcəfov
Hal hazırda qatlana bilən smartfonların əsas problemlərindən biri də standart qoruyucu şüşələrin istifadəsinin mümkünsüzlüyü səbəbilə onların ekranlarının həssas olmalarıdır. Corning şirkətinin sözlərinə əsasən o artq bu probemin həllinə yaxınlaşıb. Bu barədə 4pda saytı xəbər verib. Qeyd etmək lazımdır ki, Corning şirkəti smartfonlar və digər cihazlar üçün özünün Gorilla Glass adlı qoruyucu şüşələri ilə məşhurdur. Şirkət bildirib ki, o, qatlana bilən smartfonlar üçün qoruyucu şüşənin hazırlanması məsələsində final mərhələyə keçid edib.
Qatlana bilən smartfonlar üçün qoruyucu şüşənin irimiqyaslı istehsalı ilə kommersiya məqsədli istifadəsinə gələn il start veriləcəyi gözlənilir. Uğurlu olacağı halda Corning şirkəti Almaniyanın Schott şirkəti ilə rəqabət aparacaq. Qeyd etmək lazımdır ki, Almaniyanın bu şirkəti ultranazik və elastiki qoruyucu şüşələrin istehsalı məsələsində Samsung-a yardımçı olur. Bu cür qoruyucu şüşələr artıq Galaxy Z Flip və Galaxy Z Fold 2 kimi qatlana bilən smartfonlarda istifadə olunurlar. Corning şirkəti isə qatlana bilən smartfonlar üçün özünün istehsal edəcəyi qoruyucu şüşələrin özəllikləri barəsində hələki məlumat verməyib.
Linki kopyala
Həftənin xəbərləri
"Premium" dizayna malik uyğun qiymətli smartfon: HONOR X8b bizə nələri vəd edir?
Whatsapp yaxın zamanda 2 yeni funksiyanı əldə edəcək