“Counter-Strike 2” həvəskarları üçün AOC AGON PRO CS24A gaming monitoru təqdim edilib - QİYMƏTİ

     AOC şirkəti “Counter-Strike 2” həvəskarları üçün yeni gaming monitorunu təqdim edib. Şirkətin yeni gaming monitoru AOC AGON PRO CS24A adlanır. Bu yeni monitor yüksək təsvir yenilənməsi ilə seçilir. Beləliklə monitor 610 Hz-lik təsvir yenilənməsinə sahib 1920x1080 piksel keyfiyyətli 24 düym ölçülü TN ekranla təchiz olunub. Ekranın maksimal parlaqlıq səviyyəsi 500 nit, istifadəçi əməliyyatlarına reaksiya müddəti isə 0.3 millisaniyə təşkil edir. Ekran 8 bit-lik rəngləri dəstəkləyir və sRGB rəng diapazonunun 99.8%-ni, DCI-P3 rəng diapazonunun isə 93.6%-ni əhatə edir. Monitor özündə AMD FreeSync Premium texnologiyasının dəstəyini birləşdirir. Monitor HDMI 2.1, DisplayPort 1.4 və USB 3.2 Gen 1 Type-A girişlərini əldə edib. AOC AGON PRO CS24A sentyabrda satışa çıxacaq və onun qiyməti 693 avro təşkil edəcək.