Daha nazik gövdəli Samsung Galaxy Fold Special Edition-un ilk real fotosu təqdim edilib

     Android Headlines saytı qatlana bilən Samsung Galaxy Z Fold 6 smartfonunun daha nazik gövdəli versiyası olacaq Samsung Galaxy Fold Special Edition adlı yeni smartfonun ilk real fotosunu təqdim edib. Təqdim edilmiş fotoya əsasən Samsung Galaxy Fold Special Edition smartfonu xarici görünüşcə Galaxy Z Fold 6-ya bənzəyəcək. Lakin bununla belə yeni qatlana bilən smartfonun gövdəsi olduqca nazik olacaq.

     Bəzi məlumatlara əsasən smartfonun qatlanmış vəziyyətdə qalınlığı 10.6 mm, tam açıq vəziyyətdə qalınlığı isə 4.9 mm təşkil edəcək. Gözləntilərə əsasən Samsung Galaxy Fold Special Edition smartfonu 8 düym ölçülü daxili ekranla və 6.5 düym ölçülü xarici ekranla təchiz olunacaq. Bununla yanaşı smartfon Snapdragon 8 Gen 3 for Galaxy prosessoru vasitəsilə çalışmalıdır. Smartfonun nə zaman təqdim olunacağı bilinmir. Lakin bunun artıq gələn ay baş tutacağı güman edilir.