DJI RS 5 təqdim olundu

    Technote.az “Engadget” platformasına istinadən bildirir ki, DJI video kontent istehsalçıları üçün nəzərdə tutulmuş yeni RS 5 kamera gimbalını təqdim edib. Ronin seriyasının ən yeni üzvlərindən biri olan RS 5 yüngül konstruksiyası ilə diqqət çəkir. Qurğunun çəkisi təxminən 1,36 kq (3 funt) təşkil edir və 3,2 kq-a (7 funt) qədər kamera və obyektiv kombinasiyalarını daşıya bilir.

    DJI RS 5 “təkmilləşdirilmiş ağıllı obyekt izləmə” funksiyası ilə təchiz olunub. Yeni izləmə modulu vasitəsilə operatorlar canlı görüntünü birbaşa gimbal üzərindəki sensor ekrandan çərçivələyə və obyekti izləyə bilir, bunun üçün kameraya toxunmağa ehtiyac qalmır. Akkumulyator göstəriciləri də kifayət qədər iddialıdır: RS 5 bir şarjla 14 saata qədər işləyir və cəmi 1 saata tam doldurulur. Uzunmüddətli çəkilişlər üçün ayrıca satılan genişləndirilmiş batareya tutacağı ilə bu göstərici 30 saata qədər artırıla bilir.

    Standart DJI RS 5 dəstinə gimbal, sürətli açılan tripod, tez çıxarılan lövhələr və adi batareya tutacağı daxildir. Bu paket təxminən 680 dollar qiymətlə təklif olunur. Combo paket isə əlavə olaraq inkişaf etmiş izləmə modulu, daşıma çantası və elektron portfel tutacağı ilə birlikdə 859 dollara satılır.