Dünya əhalisinin yarısından çoxu artıq smartfonlardan istifadə edir

     GSM Association (GSMA) təşkilatı 2023-cü il üzrə Mobile Internet Connectivity Report adlı hesabatını təqdim edib. Hesabata əsasən bütün dünya üzrə artıq 4.4 milyard insan smartfonlara sahibdirlər. Bu isə planetin bütün əhalisinin 55%-i deməkdir. Mobil internet istifadəçilərinin sayı 4.6 milyard insan təşkil edir. Onlardan 4 milyardı internetə çıxışı smartfonlar vasitəsilə reallaşdırır. GSMA hesabatında mobil internetin əlçatanlığı mövzusunda regionlar üzrə bərabərsizlik qeyd edilib.

     Məsələn Şimali Amerika ilə Şərqi Asiyadakı smartfon istifadəçilərinin 69%-i 4G dəstəkli smartfonlara sahib olduqları bir vaxtda Afrika və Yaxın Şərqdəki istifadəçilərin əksəriyyəti 3G-dən istifadə etməyə davam edirlər. Mobil internet aktiv şəkildə yayılmağa davam etsə də, 3.4 milyarda yaxın insanın ona hələ də çıxışı yoxdur. Dünya əhalisinin 38%-i mobil internetin mövcud olduğu regionlarda yaşayır. Lakin həmin regionlarda mobil internetdən istifadə edilmir. Sahara səhrasından cənuba doğru yerləşən Afrika ölkələri əhalisinin 59%-nin və Cənubi Asiya əhalisinin 52%-nin internetə çıxışı yoxdur. Məlumatda qeyd edilib ki, dünya əhalisinin 8%-i (600 milyon insan) mobil internetdən adi telefonlar vasitəsilə istifadə edirlər.