Dünyada ilk dəfə texniki özəllikləri istifadəçinin istəyinə görə ayarlana bilən smartfon təqdim olunub

Dünyada ilk dəfə texniki özəllikləri istifadəçinin istəyinə görə ayarlana bilən smartfon təqdim olunub

Mobil Cihazlar
08.01.2021 PAYLAŞIM

    Hindistanın Lava adlı şirkəti özünün Z seriyası çərçivəsində 4 ədəd smartfon təqdim edib. Söhbət, Z1, Z2, Z4Z6 smartfon modellərindən gedir. Sadalanmış bu smartfonlar orta büdcəli modellərdir və çətin ki, Hindistan bazarından kənarda satışa çıxacaqlar. Lakin təqdimat çərçivəsində daha bir smartfon modeli təqdim olunub və bütün diqqət ona ayrılıb. Bu, Lava MyZ adlı smartfondur. Şirkətin verdiyi məlumata əsasən sözügedən smartfonun əsas fərqli özəlliyi ondan ibarətdir ki, o, dünyanın ilk ayarlana bilən texniki özəllliklərə sahib Android smartfonudur. Bu barədə 4pda saytı xəbər verib.


    Lava MyZ standart orta səviyyəli smartfon modelidir. O, HD+ keyfiyyətli 6.5 düym IPS ekran, MediaTek Helio G35 prosessoru və 5000 mAh enerji tutumlu batareya ilə təchiz olunub. Bu smartfonun əsas özəlliyi isə ondan iabrətdir ki, alıcı onu alan zaman öz istəyinə uyğun olaraq müxtəlif texniki parametrləri seçə bilər. Adətən smartfon alışı zamanı alıcılar istehsalçı tərəfindən təqdim olunan versiyalardan birini seçə bilərlər. Həmin versiyalar isə öz aralarında RAM və daxili yaddaş həcmi üzrə fərqlənirlər. Bununla belə onların texniki özəlliklərinin müxtəlifliyinə heç cür təsir göstərmək mümkün deyil.

    Təqdim olunmuş Lava MyZ smartfonunun alışı zamanı isə alıcı öz istəyinə uyğun olaraq RAM göstəricisini, daxili yaddaş həcmini, kameraların sayını və keyfiyyətlərini, o cümlədən smartfon gövdəsinin rəngini seçə bilər. Bütün texniki göstəriciləri müxtəlif şəkildə kombinasiya etmək mümkündür. Nəticədə sözügedən smartfon 66 müxtəlif kombinasiyada mövcuddur. Lava MyZ modelinin qiyməti istifadəçi tərəfindən seçilmiş parametrlərdən asılı olaraq dəyişir və ən ucuz modelin qiyməti 95$-dan başlayır.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Google Pixel 6-nın keyfiyyətli render fotoları təqdim olunub

Google şirkətinin hələ təqdim olunmamış yeni Pixel smartfonlarının render fotoları internetdə ortaya..


Xiaomi-nin yeni qatlana bilən smartfonu barəsində məlumatlar ortaya çıxıb

Hələ bir neçə müddət bundan öncə Xiaomi-nin ilk qatlana bilən smartfonu Mi Mix Fold-un satışa çıxmas..


Məşhur analitik qatlana bilən iPhone barəsində yeni məlumatlar verib

Məşhur analitik Ming-Chi Kuo öz yeni hesabatında Apple şirkətinin ilk qatlana bilən smartfonu barəsi..


Galaxy S21-in maya dəyərinin Galaxy S20-nin maya dəyərindən daha aşağı olduğu mə..

Counterpoint Research şirkətinin analitikləri Galaxy S21 ilə Galaxy S20 flaqman smartfonlarının iste..


Redmi-nin ilk gamer smartfonu K40 Gaming Edition təqdim olunub - QİYMƏTİ

Xüsusi təqdimat tədbiri çərçivəsində Redmi brendi özünün ilk gamer smartfonunu təqdim edib...

×