Çinin elektromobil istehsalçısı olan NIO şirkətinin ilk smartfonu barəsində məlumatlar internetdə ortaya çıxmağa davam edirlər. Bu dəfə sözügedən smartfon Çinin 3C adlı sertifikatlaşdırma agentliyinin məlumatlar bazasında ortaya çıxıb. 3C agentliyinin məlumatlar bazası sayəsində məlum olub ki, NIO-nun ilk smartfonu 100 vatt gücündə sürətli şarj texnologiyasının dəstəyinə sahib olacaq. Təəssüflər olsun ki, smartfonun hansı həcmdə batareyaya sahib olacağı barəsində məlumat yoxdur. Daha əvvəlki məlumat sızıntılarına əsasən NIO-nun ilk smartfonu premium smartfonlar seqmentinə daxil olacaq. Buna görə də smartfonun Quad HD+ keyfiyyətli ekran və Qualcomm-un flaqman Snapdragon prosessoru ilə təchiz olunacağı gözlənilir. NIO-nun öz ilk smartfonunu bu ay təqdim edəcəyi güman edilir.