İnternetdə ortaya çıxmış məlumata əsasən Çinin elektromobil istehsalçısı olan NIO şirkəti smartfon bazarına daxil olmağı planlaşdırır. İnsayderlərin vermiş olduqları məlumata əsasən şirkət öz ilk smartfon modelini artıq bu ay təqdim edə bilər. Məlumatda qeyd edilib ki, smartfon Snapdragon 8 Gen 2 prosessoru vasitəsilə çalışacaq və Nio OS interfeysli Android əməliyyat sisteminə sahib olacaq. Smartfonun 100 vatt gücündə sürətli şarj texnologiyasının dəstəyini əldə edəcəyi gözlənilir. İnsayderlər bildiriblər ki, NIO-nun ilk smartfonu Quad HD+ keyfiyyətli ekranla təchiz olunacaq və ekranın kənar hissələri əyilmiş dizaynda reallaşdırılacaq. Smartfonun satış qiyməti barəsində məlumat olmasa da, onun premium smartfon olacağı dəqiqdir.