Galaxy Z Fold 5 ilə Z Flip 5-in nə zaman təqdim olunacağı Samsung tərəfindən təsdiqlənib

    Hələ bir neçə müddət bundan öncə məlumat ortaya çıxmışdı ki, Samsung şirkəti öz yeni qatlana bilən smartfonları olacaq Galaxy Z Fold 5 ilə Z Flip 5-in təqdim ediləcəyi Galaxy Unpacked tədbirini iyul ayının sonunda keçirtməyi planlaşdırır. İndi isə şirkət bunu rəsmi şəkildə təsdiqləyib. Şirkət rəsmisinin verdiyi məlumata əsasən növbəti Galaxy Unpacked iyul ayının sonunda Cənubi Koreyanın Seul şəhərində keçiriləcək. Qeyd etmək lazımdır ki, bu, Samsung-un öz vətənində keçirəcəyi ilk Galaxy Unpacked tədbiri olacaq. Təqdimat tədbirində əsas diqqət qatlana bilən smarttfonlarına ayrılsa da, şirkət həmçinin Galaxy Watch 6 smart saat seriyasını və Galaxy Tab S9 planşet seriyasını təqdim edəcək.