Son illərdə smartfon istehsalçıları öz aralarında müxtəlif mövzular üzrə rəqabətə girdilər. Buna yüksək sürətli şarj texnologiyasını, 200 MP-lik kameraların dəstəyini, böyük həcmli daxili yaddaşları və hətta soyutma sistemlərini də gətirmək olar. İndiki zamanda bu texnologiyalar artıq adi istifadəçiləri o qədər də təəccübləndirmirlər. Nəticədə smartfon istehsalçıları öz alıcılarını təccübləndirməyin yollarını axtarırlar. Görünür, smartfon istehsalçıları arasında növbəti belə rəqabət RAM yaddaşlarını əhatə edəcək. Bir sıra istehsalçı artıq bu ilin yay fəslində 24 GB RAM-a sahib smarfonları təqdim etdilər.

    Lakin Digital Chat Station ləqəbli məşhur insayderin vermiş olduğu məlumata əsasən istehsalçılar bununla yetinmək niyyətində deyillər. Belə ki, insayderin sözlərinə əsasən bəzi smartfon istehsalçıları artıq 32 GB RAM-a sahib smartfonlar üzərində çalışmağa başlayıblar. İnsayder smartfon istehsalçılarının konkret adlarını çəkməsə də güman etmək olar ki, bu cür smartfonların hazırlanması ilə çox güman ki, ZTE və OnePlus məşğuldur. Lakin bu il ərzində 32 GB RAM-a sahib smartfonları gözləmək lazım deyil. Belə ki, həmin smartfonlar yalnız gələn il təqdim olunacaqlar.