Genki böyük ekranlı və fərdiləşdirilə bilən yeni oyun kontrollerini təqdim etd

    8BitDo ilə əməkdaşlıqdan iki il sonra Genki öz dizayn etdiyi ilk oyun kontrolleri olan Mantanı təqdim edib. Qeyri-adi dizayna malik cihazda analoq çubuqlar və düymələr 2,9 düymlük LCD ekranın üzərində yerləşir. Manta-nı fərqləndirən əsas xüsusiyyət isə onun geniş fərdiləşdirmə imkanlarıdır.

    Manta hazırda Kickstarter vasitəsilə satışa çıxarılıb. İlk dəstəkçilər kontrolleri 189 dollara öncədən sifariş edə bilərlər. Cihazın tam satış qiymətinin isə 279 dollar olacağı gözlənilir. Bu, Genki-nin kütləvi maliyyələşdirmə ilə təqdim etdiyi doqquzuncu məhsuldur.

    Kontroller xüsusi Raspberry Pi RP2350 mikrokontrolleri ilə işləyən interfeysə malikdir. İstifadəçilər müxtəlif konsol, oyun və istifadəçi profilləri yarada, analoq çubuqların reaksiyasını və ölü zonalarını tənzimləyə, vibrasiyanın gücünü dəyişə, düymələrin funksiyalarını yenidən təyin edə bilərlər. Həmçinin bir neçə düymə hərəkətini birləşdirərək xüsusi makrolar yaratmaq mümkündür.

    Manta-nın diqqətçəkən xüsusiyyətlərindən biri “tristage trigger” adlandırılan üç mərhələli trigger sistemidir. Ənənəvi kontrollerlərdə adətən iki fərqli trigger rejimi olduğu halda, Manta-da üçüncü, aralıq rejim də mövcuddur. Şirkət bu rejimin sürətli və təkrarlanan düymə basmaları üçün optimallaşdırıldığını bildirir.

     Üz hissəsindəki düymələr də analoqdur və istifadəçi basışın qeydə alınması üçün tələb olunan məsafəni ayrıca müəyyən edə bilər. Bununla düymələrin həssaslığını artırmaq və ya azaltmaq mümkündür.