Gigabyte AORUS FO32U gaming monitoru təqdim edilib
Gigabyte şirkəti öz yeni gaming monitorunu təqdim edib. Şirkətin yeni gaming monitoru Gigabyte AORUS FO32U adlanır. Beləliklə bu yeni gaming monitor 165 Hz-lik təsvir yenilənməsinə sahib 3840x2160 piksel keyfiyyətli 32 düym ölçülü QD-OLED ekranla təchiz olunub. Ekranın maksimal parlaqlıq səviyyəsi 1000 nit, istifadəçi əməliyyatlarına reaksiya müddəti isə 0.03 millisaniyə təşkil edir. Ekran üstəlik DCI-P3 rəng diapazonunun 99%-ni əhatə edir. Monitor özündə 5 vatt gücündə səsgücləndiriciləri, HDMI 2.1, DisplayPort 1.4, USB-C, USB-A girişlərini və naqilli qulaqlıqlar üçün nəzərdə tutulmuş audiogirişi birləşdirir. USB-C girişi vasitəsilə digər cihazları şarj etmək mümkündür. Bunun üçün o, 18 vatt çıxış gücünə sahibdir. Gigabyte AORUS FO32U-nun nə zaman və hansı qiymətə satışa çıxacağı barəsində məlumat verilməyib.
Şərhlər
Şərh yazmaq üçün Google və ya Facebook hesabınızla daxil olun.
Şərhlər yüklənir...
