Google Pixel 4a-nın dəstəyi dayandırılıb

    Google şirkəti bugün özünün Pixel smartfonları üçün sentyabr ayı üzrə təhlükəsizlik yenilənməsini istifadəyə verib. Lakin məsələ burasındadır ki, Pixel 4a smartfonu sözügedən yenilənməni əldə etməyib. Görünür, Google bu smartfonun dəstəyini dayandırmaq qərarına gəlib. Bu isə o deməkdir ki, bundan sonra Pixel 4a smartfonu Android və aylıq təhlükəsizlik yenilənmələrini əldə etməyəcək. Qeyd etmək lazımdır ki, Pixel 4a üçün son təhlükəsizlik yenilənməsi keçən ay təqdim edilmişdi.