Google Pixel 7a-nın yeni render fotoları təqdim edilib

    OnLeaks ləqəbli məşhur insayder Google Pixel 7a smartfonunun keyfiyyətlıi render fotolarını təqdim edib. Təqdim edilmiş fotolardan da görmək olar ki, Pixel 7 ilə Pixel 7a arasında xarici görünüş baxımından heç bir fərq yoxdur. Son məlumat sızıntılarına əsasən Pixel 7a modeli 90 Hz-lik təsvir yenilənməsinə sahib 6.1 düym AMOLED ekran, Google Tensor G2 prosessoru, 8 GB RAM, 128 GB daxili yaddaş həcmi, 64 MP + 12 MP ikili arxa kamera və 10.8 MP-lik ön kamera ilə təchiz olunacaq. Qeyd etmək lazımdır ki, Pixel 7a smartfonu gələn ay keçiriləcək Google I/O 2023 konfransı çərçivəsində təqdim ediləcək. Sözügedən konfrans isə 10 may tarixində start götürəcək.