Google Pixel 8 ilə Pixel 8 Pro barəsində yeni məlumatlar verilib

    Google bu ilin payız fəslində Pixel 8 smartfon seriyasını təqdim edəcək. Bu seriyaya Pixel 8 və Pixel 8 Pro modelləri daxil olacaqlar. Bir neçə müddət bundan öncə sözügedən smartfonlar barəsində bəzi məlumatlar ortaya çıxmışdı. İndi isə insayderlər yeni məlumatları təqdim ediblər. Beləliklə verilmiş məlumata əsasən Pixel 8 ilə Pixel 8 Pro Wi-Fi 7 dəstəyinə sahib olacaqlar. Bununla yanaşı smartfonlar tamamilə fərqli həcmdə batareyalar ilə təchiz olunacaqlar. Belə ki, Pixel 8 modeli 20 vatt gücündə sürətli şarj texnologiyalı 4485 mAh, Pixel 8 Pro isə 27 vatt gücündə sürətli şarj texnologiyalı 4950 mAh enerji tutumlu batareya ilə təchiz olunacaq. Hər iki smartfon 12 vatt gücündə sürətli naqilsiz şarj texnologiyasını dəstəkləyəcək.