Google Pixel 8 smartfon seriyası barəsində məlumatlar internetdə ortaya çıxmağa davam edirlər. Bu dəfə internetdə Pixel 8 Pro smartfonunun 3D modellərini əks etdirən foto ortaya çıxıb. Foto Google şirkətinin rəsmi saytında ortaya çıxıb. Şirkət fotonu tez bir zamanda silsə də, o artıq internetdə yayılıb. Beləliklə ortaya çıxmış fotodan da görmək olar ki, Pixel 8 Pro smartfonu yastı ekran ilə təchiz olunacaq və ekranın yuxarı mərkəz hissəsində ön kamera üçün nəzərdə tutulmuş kiçik dairəvi çıxıntı yerləşəcək.

    Arxa paneldən smartfon 3 ədəd kamera obyektivini və LED işıqlandırmanı əldə edəcək. Son məlumat sızıntılarına əsasən Google Pixel 8 Pro smartfonu 120 Hz-lik təsvir yenilənməsinə sahib Quad HD+ keyfiyyətli 6.7 düym LTPO OLED ekran ilə təchiz olunacaq. Smartfon Tensor G3 prosessoru vasitəsilə çalışacaq və özündə 12 GB RAM-ı, 128/256 GB daxili yaddaş həcmini və 4950 mAh enerji tutumlu batareyanı birləşdirəcək. Qeyd etmək lazımdır ki, Google Pixel 8 smartfon seriyasının təqdimatı 4 oktyabr tarixində baş tutacaq.