Google Pixel 8 smartfon seriyası haqqında yeni məlumatlar ortaya çıxıb
Cihazlar+
01.09.2023
Emil Nəcəfov
Google artıq Google Pixel 8 smartfon seiryasının təqdimatını anons edib. Sözügedən smartfon seriyasının təqdimatı 4 oktyabr tarixində baş tutacaq. İndi isə insayderlər bu seriya barəsində yeni məlumatları təqdim ediblər. Qeyd etmək lazımdır ki, bir neçə müddət bundan öncə məlumat ortaya çıxmışdı ki, Google Pixel 8 smartfonlarında şirkət fiziki SIM kart girişindən imtina edərək eSIM-ə keçid edə bilər. Bunun yalnız ABŞ bazarında reallaşdırılacağı güman edilirdi.
İnsayderlərin sözlərinə əsasən isə şirkət fiziki SIM kart girişindən imtina edərək eSIM-ə keçid etməyi planlaşdırmır. Bununla yanaşı məlumatda qeyd edilib ki, Pixel 8 Pro modeli videoçəkiliş zamanı Night Sight adlı rejimin üstünlüklərindən istifadə edəcək. Yaxşı işıqlandırılmamış mühitdə aparılacaq çəkilişlər zamanı bu rejim vasitəsilə yaxşı keyfiyyətə sahib videolar əldə etmək mümkün olacaq. Hər iki smartfonun Tensor G3 prosessoru ilə təchiz olunacağına baxmayaraq adi Pixel 8 modelində Night Sight adlı rejim olmayacaq.
Linki kopyala
Bənzər xəbərlər
Oxşar xəbərlər
Həftənin xəbərləri
Huawei nova 13 və nova 13 Pro təqdim olunub - QİYMƏTİ
14 yaşlı bir uşağın ölümündə süni intellekt günahkar görülüb!