Google şirkəti Pixel 8 smartfon seriyasını 4 oktyabr tarixində təqdim edəcək. Təqdimata hələ müəyyən vaxtın olmasına baxmayaraq şirkət bu smartfon seriyası barəsində məlumatları təqdim edir. Məlum olub ki, şirkət Pixel 8 smartfon seriyasının reklam videosunu təqdim edib. Təqdim edilmiş videoda Pixel 8 və Pixel 8 Pro smartfonlarının xarici görünüşləri əks olunub. Bu mövzuda heç bir yenilik yoxdur. Belə ki, Pixel 8 seriyasının smartfonları xarici görünüşcə Pixel 7 seriyasının smartfonlarına bənzəyirlər. Şirkət tərəfindən təqdim edilmiş ikinci videoda isə Pixel Watch 2 smart saatı və Pixel Buds Pro naqilsiz qulaqlığı əks olunublar. Məlumata əsasən Google yeni Pixel Buds Pro modeli üzərində çalışmır. Şirkət sadəcə olaraq sözügedən naqilsiz qulaqlığın yeni gövdə rənglərinə sahib versiyalarını təqdim edəcək.