Google Pixel 8 smartfonları xarici monitor dəstəyini əldə edə bilərlər

    Google şirkəti bu ilin payız fəslində Pixel 8 smartfon seriyasını təqdim edəcək. İndi isə insayderlər sözügedən smartfon seriyası barəsində yeni məlumat veriblər. Onların sözlərinə əsasən Google Pixel 8 smartfonları USB DisplayPort Alt Mode dəstəyini əldə edə bilərlər. Bunun olacağı halda Pixel 8 smartfonlarına xarici monitorları qoşmaq mümkün olacaq. Bu üsul vasitəsilə həmçinin xarici monitorun qoşulu olduğu halda alternativ iş masasını reallaşdırmaq mümkündür. Başqa sözlə desək, istifadəçi smartfonu kompüterin əvəzləyicisi kimi istifadə edə bilər. Bu cür imkan Samsung, Huawei və Motorola-nın bəzi smartfonlarında artıq mövcuddur.