Logo
    main-post-cover

    Google Pixel 8a-nın render fotoları təqdim edilib

    Cihazlar+
    10.10.2023
    Emil
         Google keçən həftə Pixel 8 smartfon seiryasını təqdim etdi. İndi isə şirkət Pixel 8-in bir qədər sadələşdirilmiş versiyası olacaq Pixel 8a üzərində çalışır. İnsayderlər Pixel 8a-nın render fotolarını və onun barəsində bəzi məlumatları bölüşüblər. Beləliklə təqdim edilmiş render fotolardan da görmək olar ki, Pixel 8a modeli xarici görünüşcə Pixel 8 və Pixel 8 Pro-ya bənzəyəcək.
         Lakin bununla belə Pixel 8a modelinin gövdəsi daha dairəvi formaya sahib olacaq. Məlumata əsasən sözügedən smartfon 6.1 düym ekrana sahib olacaq və Tensor G3 prosessoru vasitəsilə çalışacaq. Smartfon özündə ikili arxa kameranı birləşdirəcək. İnsayderlər bildiriblər, Pixel 8a modeli bu ilin may ayında təqdim edilmiş Pixel 7a-dan bir qədər kompakt ölçüdə olacaq. Pixel 8a-nı yaxın zamanda gözləmək lazım deyil. Onun gələn ilin yaz fəslində təqdim olunacağı gözlənilir.
    Paylaş