Google Pixel Watch 4 ağıllı saatının yeni render fotoları ortaya çıxıb

     Google şirkəti 20 avqust tarixində Made by Google tədbirini keçirəcək. Bu tədbir çərçivəsində şirkət Pixel 10 smartfon seriyasını və Pixel Watch 4 ağıllı saatını təqdim edəcək. İndi isə internetdə bu yeni ağıllı saatın yeni render fotoları ortaya çıxıb. Ortaya çıxmış fotolarda ağıllı saatın iki versiyası əks olunub. Onlardan biri 41 mm-lik gövdə ölçüsünə, digəri isə 45 mm-lik gövdə ölçüsünə sahibdir. Fotolardan da görmək olar ki, Pixel Watch 4 modeli xarici görünüşcə Pixel Watch 3-dən heç də fərqlənmir. Yeni ağıllı saat daha öncəki modeldə olduğu kimi dairəvi gövdə dizaynını əldə edəcək.