Google qapalı təqdimat çərçivəsində Pixel 6 və Pixel 6 Pro smartfonlarını anons edib

Google qapalı təqdimat çərçivəsində Pixel 6 və Pixel 6 Pro smartfonlarını anons edib

Mobil Cihazlar
03.08.2021 PAYLAŞIM

    Google şirkəti jurnalistlər üçün Pixel 6Pixel 6 Pro smartfonlarının qapalı təqdimatlarını keçirdib. Bu ilin payız fəslində rəsmi şəkildə təqdim olunacaq bu smartfonların dizaynlarından əlavə olaraq onların bəzi texniki özəllikləri də məlum olub. Beləliklə hər iki smartfon Google şirkətinin fərdi prosesorunu, təkmilləşdirilmiş kameraları və Pixel seriyasında ilk dəfə qeyri-adi dizaynı əldə edəcəklər. Təqdimat zamanı Google jurnalistlərə smartfonların fotolarını çəkməyi qadağan edib. Lakin buna baxmayaraq Google bu smartfonların render fotosunu təqdim edib. Həmin render foto smartfonların dizaynları ilə yaxından tanış olmağa şərait yaradır. Beləliklə fotodan da görmək olar ki, smartfonların arxa panellərində üfüqi şəkildə yerləşdirilmiş xüsusi sahə mövcud olacaq.


    Həmin üfüqi sahədə kameralar və işıqlandırma sistemi olacaq. Sözügedən sahə həmçinin smartfon gövdəsinin iki fərqli rəngə sahib hissəsi arasındakı sərhəd rolunu da oynayır. Məlumatda qeyd edilib ki, Google əvvəlki Pixel modelləri ilə müqayisədə yeni smartfonlarda çəkiliş özəlliklərini təkmilləşdirib. Lakin smartfonların neçə MP-lik kameralara sahib olacaqları barəsində məlumat verilməyib. Məlum olan odur ki, yeni Pixel modellərində olacaq kameralar əvvəlki Pixel modellərindəki kameralardan fərqli olaraq 150% daha çox işığı özlərindən buraxa biləcəklər. Yeni smartfonların arxa panelləri şüşə örtüklərə sahibdirlər. Bundan əlavə olaraq ekranların kənar hissəsləri bir qədər əyilmiş dizaynda reallaşdırılıb.

Google Pixel 6

    Məlumata əsasən adi Pixel 6 modeli 90 Hz-lik təsvir yenilənməsinə sahib 6.4 düym ekran, Pixel 6 Pro modeli isə 120 Hz-lik təsvir yenilənməsinə sahib 6.7 düym ekran əldə edəcək. Adi Pixel 6 modeli ikili arxa kamera ilə, Pixel 6 Pro modeli isə üçlü arxa kamera ilə təchiz olunacaq və onlardan biri 4 qat optik zoom-a sahib teleobyektiv olacaq. Ön kamera isə hər iki smartfonda ekranın yuxarı mərkəz hissəsində yerləşəcək. Yeni Pixel modellərinin əsas özəllikləri ondan ibarətdir ki, onlar Google şirkətinin Tensor adlı fərdi prosessoru sayəsində çalışacaqlar. Sözügedən prosessor Speech On Device API (SODA) proqram platformasının dəstəyinə sahib olacaq. Bu platforma süni zəka əməliyyatları, çəkilişlər, səsli əmrlərin emal olunması, tərcümə və s. ilə bağlı proseslərdən cavabdeh olacaq. Smartfonların digər özəllikləri və onların nə zaman təqdim olunacaqları barəsində Google hələ heç bir məlumat verməyib.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Apple şirkətinin payız tədbiri: iPhone 14-ün mümkün təqdimat tarixi və digər məl..

iDropnews saytı öz mənbələrinə istinadən iPhone 14-ün təqdimatına dair yeni məlumatları təqdim edib...


Xiaomi 12 Ultra flaqman smartfonunun texniki özəllikləri ilə satış qiymətləri or..

Xiaomi şirkətinin hələ təqdim edilməmiş yeni flaqman smartfonu Xiaomi 12 Ultra-nın texniki özəlliklə..


Qatlana bilən Galaxy Z Fold 4 flaqman smartfonunun kameraları barəsində məlumatl..

Ice Universe ləqəbli məşhur insayder Samsung şirkətinin hələ təqdim edilməmiş yeni qatlana bilən sma..


Bloomberg: 'Apple USB Type-C girişinə sahib iPhone modellərini artıq test etməyə..

Keçən həftə məşhur analitik Ming-Chi Kuo bildirmişdi ki, Apple şirkəti gələn ilki iPhone modellərind..


Google Pixel 6a smartfonu və naqilsiz Pixel Buds Pro qulaqlıqları təqdim olunub ..

Google şirkəti I/O 2022 konfransı çərçivəsində Pixel ailəsinin yeni məhsullarını təqdim edib...


Sony orta səviyyəli Xperia 10 IV smartfonunu təqdim edib - QİYMƏTİ

Dünən Sony şirkəti Xperia 1 IV adlı yeni flaqman smartfon modelini təqdim etmişdi. İndi isə şirkət o..

×