Bu ilin payız fəslində təqdim olunacağı gözlənilən Google Pixel 8 smartfon seriyasına daxil olacaq Pixel 8 Pro modelinin reklam videosu internetdə ortaya çıxıb. Lakin video tez bir zamanda silinib. Google şirkətinin bu cür sürətli reaksiyası videonun həqiqəti əks etdirdiyini göstərir. Videonun silinməsinə baxmayaraq onda əks olunmuş vacib kadrların fotoları çəkilib. Fotolar smartfonun dizaynını və onun sahib olacağı funksiyalardan birini sərgiləyirlər. Fotolardan da görmək olar ki, Google şirkəti növbəti flaqman smartfonunu termometr ilə təchiz etmək qərarına gəlib.

    Bununla yanaşı qeyd etmək lazımdır ki, Pixel 8 Pro xarici görünüşcə Pixel 7 Pro-dan demək olar heç fərqlənməyəcək. Pixel 8 Pro vasitəsilə bədən temperaturunu ölçmək üçün smartfonu alın hissədən bir qədər aralıda saxlamaq və ləng şəkildə onu alın tərəfə yaxınlaşdırmaq lazımdır. Smartfonda səslənəcək siqnal səsindən sonra yaxınlaşma hərəkətini dayandırmaq lazım gələcək. Qeyd etmək lazımdır ki, Pixel 8 Pro-nun 6.52 düym AMOLED ekran, Tensor G3 prosessoru və 50 MP-lik əsas arxa kamera ilə təchiz olunacağı gözlənilir.