Hələ təqdim olunmamış Moto G24 5G smartfonu Geekbench testlərindən keçib

     Lenovo şirkətinə məxsus olan Motorola brendi özünün Moto G seriyasının növbəti büdcəli smartfonu üzərində çalışır. Söhbət, Moto G24 5G-dən gedir. Məlum olub ki, sözügedən smartfon Geekbench testlərindən keçib. Geekbench testləri nəticəsində isə Moto G24 5G-nin bəzi texniki özəllikləri məlum olub. Beləliklə sözügedən yeni büdcəli smartfon MediaTek Dimensity prosessoru vasitəsilə çalışacaq və özündə 8 GB RAM ilə Android 14 əməliyyat sistemini birləşdirəcək. Moto G24 5G Geekbench-in bir nüvəli testi çərçivəsində 407 xal, çox nüvəli testi çərçivəsində isə 1399 xal toplayıb. Smartfonun nə zaman təqdim olunacağı barəsində hələ heç bir məlumat yoxdur.