Hələ təqdim olunmamış Vivo X200s barəsində ilk təfərrüatlar təqdim edilib
Cihazlar+
21.11.2024
Emil
Bir neçə gün bundan öncə məlum oldu ki, vivo şirkəti oktyabr ayında təqdim etmiş olduğu vivo X200 smartfon seriyasına iki yeni modeli əlavə edəcək və yeni modellər 2025-ci ildə təqdim ediləcək. Onlardan birinin vivo X200 Ultra olacağı gözlənilir. Digəri isə vivo X200s ola bilər. Belə ki, Digital Chat Station ləqəbli məşhur insayder hələ təqdim olunmamış vivo X200s-in texniki imkanları barəsində təfərrüatları bölüşüb.
Beləliklə insayderin sözlərinə əsasən hazırlanan bu yeni smartfon 1.5K keyfiyyətli LTPS ekranla təchiz olunacaq və özündə 50 MP-lik əsas arxa kameranı birləşdirəcək. Bununla yanaşı smartfonun gövdəsi sudan və tozdan qorunma özəlliyinə sahib olacaq. İnsayder vivo X200s-in dəqiq olaraq hansı həcmdə batareya ilə təchiz olunacağı barəsində məlumat verməsə də, qeyd edib ki, smartfonun batareyası olduqca böyük həcmdə olacaq. Çox güman ki, vivo X200s smartfonu 2025-ci ilin birinci yarısında təqdim olunacaq.
Paylaş
Ən çox oxunanlar
Samsung Galaxy F56 smartfonu təqdim edilib - QİYMƏTİ
