Həvəskar istifadəçilərdən biri Galaxy A32 5G-nin gövdəsinə 30 000 mAh-lıq batareya yerləşdirib

    Samsung Galaxy A32 5G smartfonu orta qiymət seqmentinə aid heç də pis olmayan bir smartfondur. Onun əsas özəlliklərindən biri də odur ki, o, 5000 mAh enerji tutumlu batareya ilə təchiz olunub. Lakin istifadəçilərdən biri Galaxy A32 5G-ni təkmilləşdirmək qərarına gəlib. Bu istiqamətdə istifadəçi smartfonun gövdəsinə 30 000 mAh enerji tutumlu batareya yerləşdirib. Nəticədə sözün əsl mənasında kərpicə bənzəyən 1 kq ağırlığında cihaz alınıb. İstifadəçi 30 000 mAh enerji tutumlu batareyaya sahib Galaxy A32 5G-dən yalnız bir neçə gün istifadə edib.

    Buna görə də smartfonun bu cür batareya sayəsində neçə gün ərzində çalışdığı məlum deyil. Lakin çox güman ki, 30 000 mAh-lıq batareyaya sahib smartfon bir dəfə şarj olunandan sonra 1 və ya 2 həftə ərzində çalışa bilər. Bununla belə bu cür batareyanı 100%-lik enerji ilə təmin etmək üçün 7 saat vaxt lazımdır. Əsas olaraq nəzərə almaq lazımdır ki, aparılan bu cür təcrübələr heç də təhlükəsiz hesab edilmir. Belə ki, sözügedən həcmdə batareyanın smartfona birləşdirilməsi öz növbəsində mənfi nəticələrə gətirib çıxara bilər.