HMD Global-ın öz brendi altında hazırladığı smartfonların bəzi texniki göstəriciləri ortaya çıxıb
Artıq məlumdur ki, HMD Global şirkəti öz brendi altında smartfonların hazırlanması ilə məşğuldur. İndi isə sözügedən smartfonlar barəsində bəzi məlumatlar ortaya çıxıb. Beləliklə ortaya çıxmış məlumatlara əsasən HMD-nin öz brendi altında hazırladığı smartfonlar Pulse adlı seriya altında birləşəcəklər. Bununla belə şirkət standart modeldən əlavə olaraq Pulse+ və Pulse Pro modelləri üzərində çalışır.
Məlumata əsasən HMD Pulse smartfonu Unisoc T606 prosessoru vasitəsilə çalışacaq, 4-8 GB RAM-a sahib olacaq və Android 14-ü əldə edəcək. HMD Pulse+ smartfonu isə öz növbəsində 6.56 düym ekranla təchiz olunmalı, 6 GB RAM-a sahib olmalı və 128 GB daxili yaddaş həcmini əldə etməlidir. HMD Pulse Pro modelinə gəldikdə o, Pulse+ kimi 128 GB daxili yaddaş həcminə sahib olmalıdır. Sözügedən smartfonlar yaxın aylar ərzində təqdim oluna bilər.
Paylaş
