HMD Global şirkəti Nokia Lumia dizaynında yeni smartfonu üzərində çalışır
Cihazlar+
21.05.2024
Emil Nəcəfov
HMD Global şirkəti öz brendi altında hazırladığı smartfonların siyahısına yaxın zamanda yeni model əlavə ediləcək. Məlumata əsasən şirkətin hazırladığı yeni smartfon Tomcat kod adına sahibdir. İnsayderlər hazırlanan bu yeni smartfonun dizaynını və texniki imkanlarını təqdim ediblər. Təqdim edilmiş fotolardan da görmək olar ki, HMD Global-ın Tomcat kod adına sahib yeni smartfonu yastı gövdə dizaynını əldə edəcək. Smartfonun arxa panelinin yuxarı sol hissəsində düzbucaq formalı kamera sahəsi yerləşəcək. Kamera sahəsinin daxilində isə iki ədəd obyektiv və LED işıqlandırma mövcud olacaq.
Ön paneldən smartfon yastı ekranı və ekran üzərində kiçik dairəvi çıxıntını əldə edəcək. Smartfon gövdəsinin künc hissələri iti, kənar hissələri isə bir qədər dairəvi formada olacaqlar. Ümumilikdə sözügedən smartfon xarici görünüşcə Nokia Lumia 920-ni xatırladır. İnsayderlərin sözlərinə əsasən bu yeni smartfon Full HD+ keyfiyyətli AMOLED ekranı əldə edəcək və ekran HDR10+ dəstəyinə sahib olacaq. Bununla yanaşı smartfon Snapdragon 7s Gen 2 prosessoru vasitəsilə çalışacaq və özündə 8/12 GB RAM ilə 256 GB daxili yaddaş həcmini birləşdirəcək.
Kameralar mövzusunda smartfon 108 MP-lik əsas arxa kameranı və 32 MP-lik ön kameranı əldə etməlidir. Batareyaya gəldikdə isə onun 33 vatt gücündə sürətli şarj texnologiyalı 4900 mAh enerji tutumlu batareyaya sahib olacağı gözlənilir. Bundan əlavə olaraq insayderlər bildiriblər ki, HMD Global-ın bu yeni smartfonunun gövdəsi IP67 standartı üzrə sudan qorunma özəlliyinə sahib olacaq, özündə kontaktsız ödənişlər üçün nəzərdə tutulmuş NFC çipi birləşdirəcək və onda barmaq izi skanı texnologiyası birbaşa ekrana inteqrasiya ediləcək. Smartfonun yay fəslinin ortasında təqdim olunacağı gözlənilir.
Linki kopyala
Bənzər xəbərlər
Oxşar xəbərlər
HMD Global öz brendi altında HMD T21 adlı planşetini təqdim edib - QİYMƏTİ
HMD Global öz brendi altında HMD T21 adlı planşetini təqdim edib - QİYMƏTİ
Bir neçə saat bundan öncə HMD Global şirkəti öz brendi altında yeni smartfonunu təqdim etdi. Söhbət, HMD XR21-dən gedir. İndi isə şirkət öz brendi altında planşetini təqdim edib.
HMD Global öz brendi altında yeni smartfonu HMD XR21-i təqdim edib - QİYMƏTİ
HMD Global öz brendi altında yeni smartfonu HMD XR21-i təqdim edib - QİYMƏTİ
HMD Global şirkəti öz brendi altında yeni smartfonunu təqdim edib. Şirkətin yeni smartfonu HMD XR21 adlanır. Bu yeni smartfon sudan və tozdan qorunma özəlliyinə sahib və zərbələrə dözümlü gövdəni əldə edib.
HMD Global öz brendi altında Snapdragon prosessoruna sahib yeni smartfon üzərində çalışır
HMD Global öz brendi altında Snapdragon prosessoruna sahib yeni smartfon üzərində çalışır
HMD Global şirkəti bir neçə müddət bundan öncə özünün fərdi brendi altında hazırlamış ilk smartfonlarını təqdim etdi. Söhbət, HMD Pulse smartfonlarından gedir.
Büdcəli HMD Vibe smartfonu təqdim edilib - QİYMƏTİ
Büdcəli HMD Vibe smartfonu təqdim edilib - QİYMƏTİ
HMD Global şirkəti öz brendi altında ilk smartfon seriyasını dünən təqdim etdi. Söhbət, HMD Pulse seriyasından gedir. İndi isə şirkət daha bir büdcəli smartfonunu təqdim edib.
HMD Pulse, Pulse+ və Pulse Pro smartfonları təqdim edilib - QİYMƏTİ
HMD Pulse, Pulse+ və Pulse Pro smartfonları təqdim edilib - QİYMƏTİ
Nokia smartfonlarının hazırlanması və satışları ilə məşğul olan HMD Global şirkəti öz brendi altında hazırlamış olduğu ilk smartfon seriyasını təqdim edib.
Həftənin xəbərləri
