HMD Global yüksək dözümlülüyə sahib Nokia XR20 smartfonunu təqdim edib - QİYMƏTİ

HMD Global yüksək dözümlülüyə sahib Nokia XR20 smartfonunu təqdim edib - QİYMƏTİ

Mobil Cihazlar
27.07.2021 PAYLAŞIM

    HMD Global şirkəti yüksək dözümlülüyə sahib Nokia XR20 smartfon modelini təqdim edib. Sözügedən smartfon ilk növbədə aktiv həyat tərzi sürənlər üçün nəzərdə tutulub. Nokia XR20 modeli sudan və tozdan qorunan gövdə, sürətli şarj texnologiyası dəstəyi və təkmilləşdirilmiş kameralar əldə edib. Şirkətin verdiyi məlumata əsasən MIL-STD 810H standartı üzrə qorunan Nokia XR20 smartfonu 1.5 metr hündürlükdən düşüşə davamlıdır və o, 30 dəqiqə ərzində su altında 1.8 metr dərinlikdə qala bilir.


    Bundan əlavə olaraq bu smartfonu sabun ilə də yumaq mümkündür. Nokia XR20 Full HD keyfiyyətli 6.67 düym IPS ekrana sahibdir. Ekranın özü həmçinin Gorilla Glass Victus qoruyucu şüşəsi ilə əhatə olunub. Qeyd etmək lazımdır ki, bu qoruyucu şüşə Gorilla Glass 6-dan fərqli olaraq cızıqlara 2 dəfə daha dözümlüdür. Ekranın yuxarı mərkəz hissəsində ön kamera üçün yerləşdirilmiş kiçik dairəvi çıxıntı var. Şirkətin verdiyi məlumata əsasən smartfonun ekranı yaş barmaqların toxunuşlarına reaksiya verə bilir.

    Əsas texniki özəlliklərə gəldikdə isə Nokia XR20 modeli Snapdragon 480 5G prosessoru, 6 GB RAM, 128 GB daxili yaddaş həcmi (512 GB-a kimi microSD dəstəkli), 48 MP (f/1.79 diafraqma) + 13 MP (f/2.4 diafraqma) ikili arxa kamera, 8 MP-lik (f/2.0 diafraqma) ön kamera və 18 vatt gücündə sürətli şarj texnologiyalı 4630 mAh enerji tutumlu batareya ilə təchiz olunub. Nokia XR20 həmçinin Qi standartı üzrə 15 vatt gücündə naqilsiz sürətli şarj texnologiyasını da dəstəkləyir. Smartfon 24 avqust tarixində satışa çıxacaq və 550$ qiymətində satılacaq.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Redmi Note 11T Pro və Note 11T Pro+ smartfonları təqdim edilib - QİYMƏTİ

Redmi brendinin Redmi Note 11 smartfon seriyasına yeni modellər daxil olublar.


Motorola 200 MP-lik kameraya sahib yeni flaqman smartfon üzərində çalışdığını tə..

Motorola şirkəti özünün yeni flaqman smartfon modelinin ilk tizer fotosunu təqdim edib.


Yeni OnePlus Nord 2T smartfonu təqdim edilib - QİYMƏTİ

Sözügedən smartfon keçən ilki OnePlus Nord 2-nin bir qədər təkmilləşdirilmiş versiyasıdır...


Apple şirkətinin payız tədbiri: iPhone 14-ün mümkün təqdimat tarixi və digər məl..

iDropnews saytı öz mənbələrinə istinadən iPhone 14-ün təqdimatına dair yeni məlumatları təqdim edib...


Xiaomi 12 Ultra flaqman smartfonunun texniki özəllikləri ilə satış qiymətləri or..

Xiaomi şirkətinin hələ təqdim edilməmiş yeni flaqman smartfonu Xiaomi 12 Ultra-nın texniki özəlliklə..


Qatlana bilən Galaxy Z Fold 4 flaqman smartfonunun kameraları barəsində məlumatl..

Ice Universe ləqəbli məşhur insayder Samsung şirkətinin hələ təqdim edilməmiş yeni qatlana bilən sma..

×