Honor şirkəti özünün Honor 100 adlı növbəti smartfon seriyası üzərində çalışır. Digital Chat Station ləqəbli məşhur insayder isə bu seriyaya daxil olacaq Honor 100 Pro smartfonu barəsində ilk məlumatları təqdim edib. İnsayder smartfonun bəzi texniki göstəricilərini və onun mümkün təqdimat müddətini açıqlayıb. Beləliklə insayderin sözlərinə əsasən Honor 100 Pro smartfonu 120 Hz-lik təsvir yenilənməsinə sahib 1.5K keyfiyyətli AMOLED ekran ilə təchiz olunacaq. Smartfon Snapdragon 8 Gen 2 prosessoru vasitəsilə çalışacaq və özündə ikili ön kameranı birləşdirəcək. Məlumatda qeyd edilib ki, Honor 100 Pro artıq şirkət daxili testlərdən keçir və həmin testlər gələn ay yekunlaşacaq. İnsayder bildirib ki, Honor 100 smartfon seriyasının təqdimatı noyabr ayının əvvəlində Çində baş tutacaq.