Honor 300, 300 Pro və 300 Ultra smartfonları təqdim edilib - QİYMƏTİ

     Honor şirkəti daha öncə də söz vermiş olduğu kimi Honor 300 smartfon seriyasını təqdim edib. Bu seriyaya 3 model daxil olub. Honor 300, Honor 300 Pro və Honor 300 Ultra. Smartfonlar xarici görünüşcə ümumi olaraq bir-birilərinə bənzəyirlər. Əsas da arxa panel dizaynı mövzusunda. Hər 3 smartfonda arxa panel dizaynı eynidir. Lakin gövdə dizaynında bir fərq var. Belə ki, adi Honor 300 modelinin yastı gövdə dizaynına sahib olduğu halda Honor 300 Pro və Honor 300 Ultra modelləri kənarları əyilmiş dizaynda hazırlanmış gövdəyə sahibdirlər. İlk öncə Honor 300 modelinə nəzər yetirək.

     Honor 300 smartfonu 120 Hz-lik təsvir yenilənməsinə sahib 2664x1200 piksel keyfiyyətli 6.67 düym ölçülü OLED ekranla təchiz olunub. Ekranın maksimal parlaqlıq səviyyəsi 4000 nit təşkil edir. Barmaq izi skanı texnologiyası birbaşa ekrana inteqrasiya edilib. Smartfonun gövdəsi IP65 standartı üzrə sudan qorunma özəlliyinə sahibdir. Honor 300 modeli Snapdragon 7 Gen 3 prosessoru vasitəsilə çalışır və 8/12/16 GB RAM ilə 256/512 GB daxili yaddaş həcmini əldə edib. Kameralar mövzusunda smartfon 50 MP + 12 MP ikili arxa kameraya və 50 MP-lik ön kameraya sahibdir. Batareyaya gəldikdə isə smartfon özündə 100 vatt gücündə sürətli şarj texnologiyalı 5300 mAh enerji tutumlu batareyanı birləşdirir.

     İndi isə keçək Honor 300 Pro və Honor 300 Ultra modellərinə. Beləliklə hər iki smartfon 120 Hz-lik təsvir yenilənməsinə sahib 2700x1224 piksel keyfiyyətli 6.78 düym ölçülü OLED ekranla təchiz olunub. Ekranın maksimal parlaqlıq səviyyəsi 4000 nit təşkil edir. Barmaq izi skanı texnologiyası birbaşa ekrana inteqrasiya edilib. Adi Honor 300-ün gövdəsi kimi Honor 300 Pro və Honor 300 Ultra modellərində də gövdə IP65 standartı üzrə sudan qorunma özəlliyinə sahibdir. Smartfonlar Snapdragon 8 Gen 3 prosessoru vasitəsilə çalışırlar və 12/16 GB RAM-ı əldə ediblər.

     Honor 300 Pro modeli özündə 256/512 GB daxili yaddaş həcmini, Honor 300 Ultra modeli isə özündə 512 GB/1 TB daxili yaddaş həcmini birləşdirir. Hər iki smartfonda arxa kameralar ilə ön kamera eynidir. 50 MP + 12 MP + 50 MP üçlü arxa kamera və 50 MP-lik ön kamera. Bununla yanaşı hər iki smartfon 100 vatt gücündə sürətli şarj texnologiyalı 5300 mAh enerji tutumlu batareya ilə təchiz olunub və 80 vatt gücündə sürətli naqilsiz şarj texnologiyasını dəstəkləyir. Smartfonlar artıq Çində satışa çıxıblar. Honor 300-ün qiyməti 316$-dan, Honor 300 Pro-nun qiyməti 467$-dan, Honor 300 Ultra-nın qiyməti isə 577$-dan start götürür. Qeyd etmək lazımdır ki, Honor 300 smartfonlarının qlobal bazarda da satışa çıxacaqları gözlənilir. Lakin bunun nə zaman baş verəcəyi bilinmir.

Bənzər xəbərlər

Cihazlar+

Honor 100 GT smartfonu hazırlanır

Verilmiş yeni məlumata əsasən Honor şirkəti Honor 90 GT smartfonunun davamçısı üzərində çalışır. Söhbət, Honor 100 GT-dən gedir.

Cihazlar+

Təqdimata sayılı günlər qalmış Honor 300 Ultra-nın fotoları təqdim edilib

Honor şirkəti təqdimata sayılı günlər qalmış Honor 300 Ultra-nın fotolarını təqdim edib. Qeyd etmək lazımdır ki, Honor 300 smartfon seriyasının təqdimatı 2 dekabr tarixində baş tutacaq.

Cihazlar+

Təqdimata hazırlaşan Honor 300 Pro smartfonu Geekbench testlərindən keçib

Honor 300 smartfon seriyası 2 dekabr tarixində Çində təqdim olunacaq. Bu seriyaya daxil olacaq modellərdən biri də Honor 300 Pro olacaq. İndi isə məlum olub ki, Honor 300 Pro modeli Geekbench testlərindən keçib.

Cihazlar+

Qatlana bilən smartfonların satışları aşağı düşməyə başlayıb

Counterpoint analitik şirkətinin mütəxəssisləri qatlana bilən smartfonlar bazarındakı vəziyyət ilə bağlı yeni hesabatı təqdim ediblər. Təqdim edilmiş hesabat bu ilin üçüncü rübündəki göstəricilərə əsaslanır.

Cihazlar+

Orta büdcəli Honor Pad GT planşeti təqdimata hazırlaşır

Digital Chat Station ləqəbli məşhur insayderin vermiş olduğu məlumata əsasən Honor şirkəti performanslı yeni orta büdcəli planşetini təqdim etməyə hazırlaşır.