Honor 400 Lite smartfonunun ilk render fotosu və bəzi texniki imkanları təqdim edilib

     Honor şirkəti hal-hazırda Honor 400 smartfon seriyası üzərində çalışır. Bu seriyaya daxil olacaq modellərdən biri də Honor 400 Lite olacaq. İndi isə sözügedən modelin render fotosu və bəzi məlumatlar təqdim edilib. Təqdim edilmiş render fotoya əsasən Honor 400 Lite smartfonu yastı gövdə dizaynını əldə edəcək. Smartfonun ekranı üzərində oval formalı çıxıntı hissə yerləşəcək. Məlumatda qeyd edilib ki, bu yeni smartfon Full HD+ keyfiyyətli ekranla təchiz olunacaq və MediaTek Dimensity 7025 prosessoru vasitəsilə çalışacaq.

     Üstəlik smartfon özündə 8 GB RAM-ı birləşdirəcək. Məlumata əsasən Honor 400 Lite smartfonu MagicOS 9.0 interfeysli Android 15 əməliyyat sisteminə sahib olacaq. Gözləntilərə əsasən Honor 400 smartfon seriyası may ayında təqdim olunacaq. Bu seriyaya Honor 400 Lite ilə birlikdə Honor 400 və Honor 400 Pro modellərinin də daxil olacaqları güman edilir. Bəzi məlumatlara əsasən Honor 400 modeli Snapdragon 7 Gen 3 prosessoru, Honor 400 Pro modeli isə Snapdragon 8 Gen 3 prosessoru vasitəsilə çalışacaq.

Mənbə: 91mobiles

Bənzər xəbərlər

Cihazlar+

Honor 400 barəsində ilk məlumat verilib

Honor şirkəti keçən ilin dekabr ayında Honor 300 smartfon seriyasını təqdim etmişdi. İndi isə şirkət Honor 400 seriyası üzərində çalışır. Digital Chat Station ləqəbli məşhur insayder Honor 400 barəsində ilk məlumatı təqdim edib.

Cihazlar+

Honor MagicBook X14 Pro 2025 noutbuku barəsində məlumatlar verilib

Honor şirkəti MagicBook X14 Pro 2025 adlı yeni ultra nazik noutbuk modelinin təqdimatına hazırlaşır. Sızdırılmış məlumatlara görə, sözügedən yeni noutbuk 3.1K keyfiyyətli 14 düym ölçülü ekranla təchiz ediləcək.

Cihazlar+

HONOR X8c Azərbaycanda satışa çıxır - QİYMƏTİ və XÜSUSİYYƏTLƏRİ

HONOR brendi giriş seqmentinə aid olan yeni HONOR X8c modelini Azərbaycanda satışa çıxarıb. Ötən ilin populyar HONOR X8b modelinin davamçısı olan bu smartfon, əsasən dizayn, kamera və batareya baxımından bir sıra yeniliklərlə gəlir. Yeni cihazın qiyməti, texniki xüsusiyyətləri və istifadədəki fərqləri barədə ətraflı araşdırmanı təqdim edirik.

Cihazlar+

Honor Magic 7 RSR Porsche Design-ın qlobal versiyası təqdim edilib - QİYMƏTİ

Honor şirkəti Honor Magic 7 Pro-nun qlobal versiyasının ardınca Honor Magic 7 RSR Porsche Design premium smartfonunun da qlobal versiyasını təqdim edib. Qeyd etmək lazımdır ki, bu smartfon keçən ay Çində təqdim edilmişdi.

Cihazlar+

Honor Magic 7 Pro-nun qlobal versiyası təqdim edilib - QİYMƏTİ

Keçən ilin oktyabr ayının sonunda Çində Honor şirkəti Honor Magic 7 smartfon seriyasını təqdim etmişdi. Bu seriyaya Honor Magic 7 və Magic 7 Pro modelləri daxil oldular. Daha sonra isə şirkət seriyaya daxil olmuş daha iki yeni modeli təqdim etdi. Söhbət, Honor Magic 7 RSR Porsche Design və Magic 7 Lite modellərindən gedir.