Honor 90 smartfon seriyasının 29 may tarixində təqdim olunacağına baxmayaraq ona daxil olacaq modellər barəsində məlumatlar ortaya çıxmağa davam edir. Qeyd etmək lazımdır ki, sözügedən smartfon seriyasına Honor 90 və Honor 90 Pro modelləri daxil olacaqlar. İndi isə insayderlər onların texniki özəllikləri barəsində yeni məlumatları təqdim ediblər. Beləliklə verilmiş məlumata əsasən adi Honor 90 modeli Snapdragon 7 Gen 1, Honor 90 Pro modeli isə Snapdragon 8+ Gen 1 prosessoru vasitəsilə çalışacaq.

    Məlumatda qeyd edilib ki, Honor 90 modeli 4 tərəfdən əyilmiş dizayna sahib ekran ilə təchiz olunacaq və özündə 200 MP-lik əsas arxa kameranı, 32 MP-lik ön kameranı və 90 vatt gücündə sürətli şarj texnologiyalı 5000 mAh enerji tutumlu batareyanı birləşdirəcək. Adi Honor 90-a gəldikdə isə məlumata əsasən o da 200 MP-lik əsas arxa kamera və 5000 mAh enerji tutumlu batareya ilə təchiz olunacaq. Lakin Honor 90 Pro-dan fərqli olaraq adi Honor 90-nın ekranı daha sadə olacaq. Hər iki smartfon MagicOS 7.1 interfeysli Android 13 vasitəsilə çalışacaq.