Honor 90 smartfon seriyasının təqdimatına sayılı günlər qalıb. Qeyd etmək lazımdır ki, sözügedən smartfon seriyası 29 may tarixində təqdim olunacaq və ona adi Honor 90 ilə yanaşı Honor 90 Pro da daxil olacaq. İndi isə bu smartfonların yeni real fotoları ortaya çıxıb. Ortaya çıxmış yeni real fotolardan da görmək olar ki, adi Honor 90 modelinin arxa panelində kameralar üçün iki ədad dairəvi formalı sahə, Honor 90 Pro-nun arxasında isə iki ədəd altı bucaqlı sahə mövcud olacaq.

    Bununla yanaşı smartfonlar kənar hissələri əyilmiş dizaynda reallaşdırılmış ekranlar ilə təchiz olunacaqlar. Bununla yanaşı Honor 90 modeli bir ədəd ön kameraya, Honor 90 Pro modeli isə ikili ön kameraya sahib olacaq. Son məlumat sızıntılarına əsasən Honor 90 Snapdragon 7 Gen 1 prosessoru, Honor 90 Pro isə Snapdragon 8+ Gen 1 prosessoru vasitəsilə çalışacaq. Hər iki smartfon da özündə 200 MP-lik əsas arxa kameranı birləşdirəcək.