Honor 90 smartfon seriyası barəsində məlumatlar ortaya çıxmağa davam edir. İnsayderlər sözügedən smartfon seriyasına daxil olacaq modellərin yeni görüntülərini özündə əks etdirən render fotonu təqdim ediblər. Qeyd etmək lazımdır ki, Honor 90 smartfon seriyasına adi Honor 90 ilə yanaşı Honor 90 Pro da daxil olacaq. Daha öncəki fotolarda bu smartfonların yalnız arxa panelləri sərgilənirdi. Yeni render fotoda isə onların ön panelləri də əks olunublar.

    Fotodan da görmək olar ki, Honor 90 Pro-nun ekranı üzərində ikili ön kamera üçün nəzərdə tutulmuş oval formalı çıxıntı hissə yerləşəcək. Adi Honor 90 modelinin ekranı üzərində isə kiçik dairəvi çıxıntı mövcud olacaq. Bununla yanaşı Honor 90 modeli ikili arxa kamera, Honor 90 Pro isə üçlü arxa kamera ilə təchiz olunacaq. Honor 90-nın texniki özəllikləri barəsində məlumat yoxdur. Honor 90 Pro-ya gəldikdə isə onun OLED ekran, Snapdragon 8+ Gen 1 prosessoru və 200 MP-lik əsas arxa kamera ilə təchiz olunacağı gözlənilir.