Honor dünyanın ən nazik Android planşetini təqdim etdi

    Technote.az “The Verge” platformasına istinadən bildirir ki, Honor yeni MagicPad 4 modelini təqdim edib və şirkət onu dünyanın ən nazik Android planşeti kimi təqdim edir. Cəmi 4,8 mm qalınlığa malik olan cihaz ötən ilin 5,8 mm-lik MagicPad 3 modelindən də daha incədir.

    Müqayisə üçün qeyd edək ki, bu planşet 6,1 mm qalınlığında olan iPad Air, 5,1 mm-lik iPad Pro və 5,1 mm qalınlığında Samsung Galaxy Tab S11 modelindən daha nazikdir. Yalnız 4,7 mm qalınlığa sahib reMarkable 2 kimi E Ink əsaslı cihazlar onu geridə qoyur. MagicPad 4 əvvəlki 13,3 düymlük modeldən bir qədər kiçik, 12,3 düymlük ekranla gəlir. Lakin bu azalma əhəmiyyətli yeniliklə kompensasiya olunur. Cihaz artıq LCD deyil, 165Hz yenilənmə tezliyinə malik OLED panel istifadə edir. Bu, həm daha canlı rənglər, həm də daha axıcı görüntü deməkdir.

    Planşetin batareyası 10.100 mAh təşkil edir ki, bu da əvvəlki modeldən bir qədər kiçikdir. Rəsmi batareya müddəti açıqlanmasa da, OLED panelin enerji səmərəliliyi sayəsində cihazın daha uzun işləmə ehtimalı var. Daha nazik və daha kompakt dizayn nəticəsində MagicPad 4 sələfindən təxminən 145 qram daha yüngüldür.

    Planşet Qualcomm Snapdragon 8 Gen 5 prosessoru ilə təchiz olunub. İki konfiqurasiya təqdim olunur:

    Cihaz Android 16 əsaslı MagicOS 10 əməliyyat sistemi ilə işləyir.

    Kamera baxımından planşetdə arxa tərəfdə 13MP, ön hissədə isə 9MP kamera mövcuddur. Foto imkanları əsas səviyyədə olsa da, audio tərəfi daha diqqətçəkəndir. MagicPad 4 səkkiz dinamiklə təchiz edilib və məkan effekti yaradan səs təcrübəsi təqdim edir. Honor planşetin qiyməti və satış tarixi barədə hələ rəsmi məlumat verməyib. Bu detallara şirkətin MWC çərçivəsində keçiriləcək mətbuat konfransında aydınlıq gətiriləcəyi gözlənilir. Eyni tədbirdə Honor humanoid robotika istiqamətinə keçidini də açıqlayacağını bildirib.