Honor Magic 8 Pro barəsində ilk təfərrüatlar təqdim edilib
Honor şirkəti bu ilin payız fəslində Honor Magic 8 smartfon seriyasını təqdim edəcək. Bu seriyaya daxil olacaq modellərdən biri də Honor Magic 8 Pro olacaq. İndi isə Digital Chat Station ləqəbli məşhur insayder sözügedən model barəsində bəzi təfərrüatları təqdim edib. Beləliklə insayderin sözlərinə əsasən Honor Magic 8 Pro smartfonu 6.71 düym ölçülü ekrana sahib olacaq. Müqayisə üçün qeyd etmək lazımdır ki, Honor Magic 7 Pro modeli 6.8 düym ölçülü ekran ilə təchiz olunur.
Beləliklə yeni smartfonda ekran cüzi də olsa kiçik olacaq. Məlumatda qeyd edilib ki, yeni smartfon Snapdragon 8 Elite 2 prosessoru vasitəsilə çalışacaq. Smartfonun əsas fərqləndirici özəlliklərindən biri kamera bloku olacaq. Kamera blokunun daxilində isə 200 MP-lik əsas arxa kamera yerləşəcək. Cihazın batareya həcmi 7000 mAh və ya ondan bir qədər böyük təşkil edəcək. Bununla yanaşı Honor Magic 8 Pro 100 vatt gücündə sürətli naqilli şarj texnologiyasını və 80 vatt gücündə sürətli naqilsiz şarj texnologiyasını dəstəkləyəcək.
Şərhlər
Şərh yazmaq üçün Google və ya Facebook hesabınızla daxil olun.
Şərhlər yüklənir...
