
HONOR Magic7 Pro Azərbaycanda satışa çıxır - Qiyməti
Cihazlar+
07.03.2025
Farid
HONOR nəhayət ki, 2025-ci il üçün yeni flaqman smartfonunu təqdim etdi və HONOR Magic7 Pro artıq Azərbaycan bazarında da satışa çıxıb. Bu model süni intellekt dəstəyi ilə AI Phone adlandırılır və HONOR-un ən qabaqcıl texnologiyalarını özündə birləşdirir. Cihaz premium dizaynı, yüksək performansı və innovativ kamera sistemləri ilə diqqət çəkir.
Dizayn və Ekran
HONOR Magic7 Pro öz sinfində premium materiallardan hazırlanıb. Kamera bloku əvvəlki modellərlə oxşar olsa da, bəzi yeniliklər var. IP69 sertifikatı sayəsində smartfon təkcə suya və toza deyil, həm də təzyiqli suya qarşı dözümlüdür. Öndə HONOR-un NanoCrystal Shield texnologiyası tətbiq edilib ki, bu da cızılmalara və zərbələrə qarşı daha yüksək davamlılıq təmin edir.
Ekrana gəldikdə, HONOR Magic7 Pro 6.8 düyümlük OLED panelə malikdir. 120 Hz yeniləmə tezliyi, Dolby Vision dəstəyi və 5000 nits maksimal parlaqlıq sayəsində görüntü keyfiyyəti son dərəcə yüksəkdir. Barmaq izi skaneri artıq ultrasonik texnologiya ilə təchiz olunub və cihaz həmçinin əlavə olaraq 3D Face ID funksiyasını dəstəkləyir.

Performans və Batareya
Bu smartfon gücünü Snapdragon 8 Elite prosessorundan alır və Adreno 830 qrafik kartı ilə təchiz olunub. 12 GB LPDDR5X RAM və UFS 4.0 yaddaş texnologiyası sayəsində cihaz yüksək sürət və məhsuldarlıq təqdim edir. PUBG, Genshin Impact kimi ağır oyunlarda belə yüksək FPS ilə axıcı performans göstərir.
Batareya hissəsində HONOR Magic7 Pro ciddi inkişaf əldə edib. 5850 mAh tutumlu batareya 100W naqilli və 80W naqilsiz enerji yığma dəstəyi ilə birləşir. Bunun nəticəsində cihaz naqilli formada cəmi 36 dəqiqəyə, naqilsiz formada isə 44 dəqiqəyə tam dolur.

Kamera Sistemi
HONOR Magic7 Pro-nun kamera sistemi flaqman smartfon standartlarına cavab verir. Əsas kamera 50 MP dəyərindədir və f/1.4 və f/2.0 arasında fiziki diafraqma keçidi ilə təchiz olunub. Periskop telefoto kamera isə 200 MP-dir və 3x optik, 100x rəqəmsal yaxınlaşdırmanı dəstəkləyir. Ultra geniş bucaqlı kamera 50 MP-dir və avtofokus xüsusiyyəti ilə təchiz olunub.
Ön kamera da kifayət qədər güclüdür – 50 MP və 4K 60 FPS video qeyd imkanı təqdim edir. HONOR Magic7 Pro süni intellekt əsaslı kamera xüsusiyyətləri ilə portret rejimini təkmilləşdirir və AI Motion funksiyası ilə hərəkətli çəkimlərdə sabit görüntülər əldə etməyə kömək edir.

Süni İntellekt və Əməliyyat Sistemi
HONOR bu smartfonu AI Phone kimi təqdim edir və süni intellekt imkanlarına böyük diqqət ayırıb. Magic Portal adlı funksiya Google-un Circle to Search texnologiyasını dəstəkləyir və istifadəçilərə şəkillər və məlumatlar üzərində daha rahat idarəetmə imkanı verir. Bundan əlavə, AI əsaslı obyekt silmə, Deepfake aşkarlama və AI tərcümə kimi xüsusiyyətlər də cihazda mövcuddur.
Smartfon qutusundan Android 15 əməliyyat sistemi ilə çıxır və 5 il ƏS yenilənmə və təhlükəsizlik dəstəyi təmin olunacaq. Bununla yanaşı, qutudan 100W adapter başlığı və qoruyucu keyslə birlikdə gəlir ki, bu da rəqibləri ilə müqayisədə üstünlük sayılır.
HONOR Magic7 Pro Azərbaycanda satış qiyməti
Cihazın Azərbaycanda satış qiyməti 2700 manat təşkil edir və 7-31 mart tarixləri arasında alınan smartfonlara HONOR Pad X9 planşeti hədiyyə edilir. Normalda 500 manat dəyərində olan bu planşet, kampaniya çərçivəsində alıcılar üçün əlavə üstünlük yaradır.

Paylaş
Bənzər xəbərlər

Digər
HONOR şirkətin süni intellekt cihaz ekosistemi şirkətinə çevrilməsinə yönəlmiş yeni korporativ strategiyasını təqdim edir
Qlobal texnologiya brendi HONOR bu gün HONOR ALPHA PLAN adlı yeni korporativ strategiyasını elan edib. Bu strategiya, HONOR-un yalnız smartfon istehsalçısından qlobal miqyasda aparıcı süni intellekt cihaz ekosistemi şirkətinə çevrilməsini hədəfləyir.

Proqram Təminatı
HONOR şirkəti HONOR Magic seriyası üçün 7 illik Android OS və təhlükəsizlik sistemi yenilənmələrini anons edib
Qlobal texnologiya brendi HONOR bu gün elan etdi ki, HONOR Magic seriyasına aid flaqman modelləri üçün yeddi il müddətinə Android OS və təhlükəsizlik yeniləmələri təqdim edəcək. Bu təşəbbüs ilk olaraq Avropa Birliyi bazarlarında tətbiq ediləcək.

Cihazlar+
Honor GT Pro smartfonu barəsində təfərrüatlar təqdim edilib
Honor şirkəti keçən ilin dekabr ayının ortasında Honor GT smartfonunu təqdim etmişdi. İndi isə şirkət onun Pro versiyası üzərində çalışır.

Cihazlar+
Qatlana bilən Honor Magic V4-ün nə zaman təqdim olunacağı açıqlanıb
Dünən OPPO, dünyanın ən incə qatlana bilən smartfonu olan OPPO Find N5 modelini təqdim etdi. Bu cihazın qatlanmış vəziyyətdə gövdə qalınlığı cəmi 8.93 mm təşkil edir və əvvəlki rekordçu Honor Magic V3 modelinin gövdə qalınlığını (9.2 mm) geridə qoyub.

Cihazlar+
Honor 400 Lite smartfonunun ilk render fotosu və bəzi texniki imkanları təqdim edilib
Honor şirkəti hal-hazırda Honor 400 smartfon seriyası üzərində çalışır. Bu seriyaya daxil olacaq modellərdən biri də Honor 400 Lite olacaq. İndi isə sözügedən modelin render fotosu və bəzi məlumatlar təqdim edilib.
Ən çox oxunanlar

POCO F7 Pro və F7 Ultra flaqman smartfonları təqdim edilib - QİYMƏTİ
