Honor MagicPad 3 Pro flaqman planşeti təqdim edilib - QİYMƏTİ

     Honor şirkəti Honor Magic 8 flaqman smartfon seriyası ilə yanaşı MagicPad 3 Pro adlı flaqman planşetini də təqdim edib. Şirkətin bu yeni flaqman planşeti böyük ölçülü ekranı, Snapdragon prosessorunu və böyük həcmli batareyanı əldə edib. Beləliklə Honor MagicPad 3 Pro planşeti 165 Hz-lik təsvir yenilənməsinə sahib 3200x2136 piksel keyfiyyətli 13.3 düym ölçülü LCD ekranla təchiz olunub.Planşet özündə 8 ədəd səsgücləndiricini birləşdirir. Planşetin gövdə qalınlığı 5.79 mm, çəkisi isə 595 qram təşkil edir. Planşet Snapdragon 8 Elite Gen 5 prosessoru vasitəsilə çalışır və 12/16 GB RAM ilə 256/512 GB daxili yaddaş həcmini əldə edib. Kameralar mövzusunda Honor MagicPad 3 Pro özündə 13 MP + 2 MP ikili arxa kameranı və 9 MP-lik ön kameranı birləşdirir. Batareyaya gəldikdə isə planşet 80 vatt gücündə sürətli şarj texnologiyalı 12 450 mAh enerji tutumlu batareya ilə təchiz olunub. Honor MagicPad 3 yaxın günlərdə Çində satışa çıxacaq və onun qiyməti 533$-dan start götürəcək.