main-post-cover

    HONOR X9a və HONOR X8a smartfonlarının müqayisə icmalı

    Cihazlar+
    16.02.2023
    Emil Nəcəfov
        Bu yaxınlarda HONOR şirkəti Azərbaycanda sərfəli qiymətə texniki cəhətdən təkmilləşdirilmiş yeni smartfon seriyasını təqdim etdi. Biz isə ən çox diqqət çəkən iki yeni məhsul, yəni məhz HONOR X9a və HONOR X8a ilə daha yaxından tanış olmaq qərarına gəldik. Hər iki smartfon eyni seriyaya aid olsa da, bir-birindən nəzərəçarpan dərəcədə fərqlənir. Gəlin onların nə ilə fərqləndiyinə daha yaxından baxaq.
        Hər iki cihaz dizayn baxımından diqqətəlayiqdir. HONOR X9a daha bahalı smartfonlar üçün səciyyəvi olan displey uclarının dəbli əyriliyi ilə diqqəti cəlb edir. Məsələn, HONOR 70 kimi.
        HONOR X8a daha klassik formadadır. Onun tamamilə hamar ucları var. 
        Hər iki cihaz üç rəngdə mövcuddur. Klassik qara rəngi var ki, o da HONOR X9a və X8a-da fərqlənir. Birinci halda daha parlaq və buna görə də bir qədər tez çirk toplayan korpusa, ikinci halda isə daha tutqun, bir az qabarıq, kir, eləcə də barmaq izlərinə qarşı o qədər də həssas olmayan, tez çirklənməyən korpusa malikdir. Gümüşü rəng HONOR X9a-da daha qradient, rəngarəng parlaq rəngə malikdir, burada müxtəlif uclardan yalnız gümüşü deyil, həm də sarı, yaşıl, bənövşəyi çalarları da tuta bilərsiniz. HONOR X8a gümüşü rəngdədir, həqiqətən də bildiyimiz gümüşü rəngdədir. Lakin tünd yaşıl rəng HONOR X9a-nın eksklüziv rəngidir. HONOR X8a cüzi kristal effekti və ipək səthi ilə xüsusi mavi rəngə malikdir.
        Smartfonların kamera blokları fərqli dizaynındadır. HONOR X9a-da zərif premium görünüşlü halqavari formalı fotosensorlar quraşdırılmışdır, HONOR X8a isə üç kameralı və LED flaşı olan iri kvadrat formalı sahəsi ilə hamıya daha çox tanış olan görünüşə malikdir.
        HONOR X9a dizayna tam uyğun olan displeyə malikdir. Şəlalə formalı ekran telefonun demək olar ki, bütün ön səthini əhatə edir. AMOLED-matris diaqonalı 1080x2400 piksel təsvir ölçüsü ilə 6.67 düymdür. Displey 120Hz tezlikdə təsvir yeniləyir, bununla da həm interfeysdə, həm də tətbiqlərdə hamar animasiyaları təmin edir.
        HONOR X8a sanki özünün klassik statusunu vurğulayır. Burada heç bir yuvarlaqlaşdırma və ya əyri yoxdur.6.7 düymlük diaqonalı olan smartfon, 1080x2388 piksel təsvir ölçüsünə malikdir. Bunun matrisi AMOLED deyil, LTPS-dir, amma əla keyfiyyətlidir. Doğrudur, yeniləmə tezliyi daha azdır, yəni 120 Hz əvəzinə 90 Hz-dir.
        Hər iki smartfon üç əsas sensordan ibarət sistemlə təchiz edilmişdir. Üstəlik, X9a və X8a-nın iki sensoru görünür ki, eynidir. Söhbər super makro, yəni çox yaxın məsafədən fotoşəkil çəkilişi üçün 2 meqapiksellik kameradan gedir. 5MP sensoru ultra genişbucaqlı panorama çəkilişləri üçün uyğun olacaqdır.
        Hər iki kamera yaxşı işləyir, amma gəlin dürüst olaq, çünki çəkilişlərin çoxunu siz əsas modullar vasitəsilə əldə edəcəksiniz. HONOR X9a-da bu, 64MP-lik sensor, HONOR X8a-da isə bu, 100MP-lik sensordur! 

    HONOR X9a ilə çəkilib

        İlk baxışda görüntülərin keyfiyyətindəki fərqi o qədər də açıq görə bilmərik. Lakin, toran vaxtı və ya çox az işıq olan digər şəraitlərdə HONOR X9a smartfonu önə çıxır. Smartfon detalları bir az daha yaxşı çəkir və rənglə daha dəqiq və səliqəli işləyir. Fərq çox böyük olmasa da, “doqquzluq”un xeyrinədir. Hər iki smartfon həmçinin eyni anda iki kameradan, yəni ön və əsas kameradan video çəkə bilir. Bloggerlər bu fürsəti mütləq qiymətləndirəcəklər. 

    HONOR X8a ilə çəkilib

        Smartfonlar müxtəlif platformalarda qurulmuşdur. Daha bahalı HONOR X9a Snapdragon 695 çipi ilə Qualcomm, HONOR X8a isə Helio G88 çipi ilə MediaTek-ə üstünlük vermişdir. Hər iki modeldə operativ yaddaş 6GB-dir. Hətta ən aktiv istifadəçilər üçün də bu, kifayət edir. Quraşdırılmış yaddaş da hər ikisində eyni həcmdədir, yəni 128 GB-dir. 
        Hər iki smartfon batareyaya toplamadan kifayət qədər uzun müddət işləyə bilər. HONOR X9a daha böyük batareyaya və enerjiyə qənaət edən prosessora malik olduğu üçün asanlıqla iki gün işləyəcə bilər.
        İki smartfon arasındakı əsas fərq tutumları fərqli olan batareya dəstəyindədir. HONOR X9a 40 Vt enerji təchizatı bloku ilə batareya yığır.  Bir saat ərzində 0-dan 100% -ə qədər və hətta daha sürətli enerji toplamaq kifayət edir. HONOR X8a 22.5 Vt bloku ilə təchiz olunub və təxminən saat yarıma batareya toplayır. 

    Yekun Xülasə

        Həm HONOR X9a, həm də HONOR X8a istehsalçının bu smartfonlar üçün işləyib hazırladığı konsepsiyaya dəqiq şəkildə riayət edir. Bunlar eyni zamanda istifadəçilərə maksimum dərəcədə çox texnologiya təklif edən nisbətən ucuz cihazlardır.
        HONOR X9a qabaqcıl dizayna, 120Hz tezliyə malik əyilmiş displeyə, çox güclü prosessora, daha böyük batareyaya, daha sürətli enerji toplama bacarığına və zəif işıqda daha yaxşı şəkil çəkən kameraya malikdir. Azərbaycanda bu smartfonu İRSHAD və digər partnyor mağazalarıdan 749 manata əldə edə bilərsiniz. HONOR X9a-nı bu brendin rəsmi partnyorlarından əldə etdikdə, alıcıya xoş bonus olan HONOR Choice X3 lite qulaqlıqları hədiyyə veriləcəkdir. 
        HONOR X8a daha klassik, sərt xarici görünüşə malikdir. Əyri olmasa da, əla displeyi var. Prosessor istənilən iş üçün kifayət edir və şəkillərin keyfiyyəti də əminik ki, hər kəsin xoşuna gələcək. Qiymət və çoxları üçün o qədər də vacib olmayan xırdalıqlar arasında kompromis axtaranlar üçün smartfon idealdır. Yeri gəlmişkən, qiymət haqqında da bir az danışaq. Smartfonu artıq İRSHAD mağazalarından və digər partnyor mağazalardan cəmi 549 manata almaq mümkündür. 
        Bəhs etdiyimiz iki modeldən əlavə, istehsalçı həmçinin qiymət baxımından ən sərfəli olan və cəmi 449 manata HONOR X7a-nı da təklif edir.
    Linki kopyala