Honor yeni büdcəli Honor 70 Lite 5G smartfonunu təqdim edib - QİYMƏTİ

    Honor şirkəti heç gözlənilmədən qobal bazar üçün Honor 70 Lite 5G adlı yeni büdcəli smartfonunu təqdim edib. Bu, 5G şəbəkə dəstəyinə və sürətli şarj texnologiyasına sahib nisbətən ucuz smartfondur. Honor 70 Lite 5G smartfonu 90 Hz-lik təsvir yenilənməsinə sahib 1600x720 piksel keyfiyyətli 6.5 düym IPS ekran ilə təchiz ounub. Ekranın yuxarı mərkəz hissəsində ön kamera üçün nəzərdə tutulmuş damcı formalı çıxıntı yerləşdirilib. Barmaq izi skanı texnologiyası yandırıb/söndürmə düyməsinə inteqrasiya edilib.

    Bununla yanaşı smartfon özündə kontaktsız ödənişlər üçün nəzərdə tutulmuş NFC çipi birləşdirir. Əsas texniki göstəricilərə gəldikdə isə Honor 70 Lite 5G smartfonu Snapdragon 480+ prosessoru, 4 GB RAM, 128 GB daxili yaddaş həcmi, 50 MP + 2 MP + 2 MP üçlü arxa kamera, 8 MP-lik ön kamera və 22.5 vatt gücündə sürətli şarj texnologiyalı 5000 mAh enerji tutumlu batareya ilə təchiz ounub. Smartfon MagicUI 6.1 interfeysli Android 12 vasitəsilə çalışır. Honor 70 Lite 5G artıq Böyük Britaniyada 199 funt sterlinq (təqribi olaraq 244$) qiymətində satışa çıxıb.