main-post-cover

    HTC şirkəti HTC U seriyasına daxil olacaq yeni smartfon üzərində çalışır

    Cihazlar+
    01.05.2023
    Emil Nəcəfov
        HTC şirkəti HTC U seriyasına daxil olacaq yeni smartfon üzərində çalışır. Qeyd etmək lazımdır ki, şirkət sözügedən seriyanın son smartfonunu 2020-ci ilin yay fəslində təqdim etmişdi. Hazırlanan yeni smartfon HTC U23 Pro adını əldə edəcək. O hətta Geekbench testlərindən də keçib. Geekbench məlumatlarına əsasən HTC U23 Pro smartfonu 12 GB RAM-a və Android 13 əməliyyat sisteminə sahibdir. Smartfon Geekbench-in bir nüvəli testi çərçivəsində 933 xal, çox nüvəli testi çərçivəsində isə 2351 xal toplayıb. Geekbench-də qeyd edilib ki, HTC U23 Pro 1.8-2.4 GHz tezliklərdə çalışan 8 nüvəli prosessor ilə təchiz olunacaq. Çox güman ki, söhbət, Snapdragon 7 Gen 1 prosessorundan gedir. HTC U seriyasına daxil olacaq yeni smartfonun nə zaman təqdim olunacağı bilinmir.
    Linki kopyala