Keçən həftənin sonunda HTC şirkəti öz yeni smartfonunun təqdimatını anons etdi. Söhbət, HTC U23 Pro-dan gedir. Smartfonun təqdimatı 18 may tarixində baş tutacaq. İndi isə insayderlər sözügedən smartfonun keyfiyyətli render fotosunu təqdim ediblər. Beləliklə təqdim edilmiş fotodan da görmək olar ki, HTC U23 Pro smartfonu yastı ekran və dördlü arxa kamera ilə təchiz olunacaq. Smartfonun 120 Hz-lik təsvir yenilənməsinə sahib Full HD+ keyfiyyətli IPS ekranı özündə birləşdirəcəyi gözlənilir. Ekranın yuxarı mərkəz hissəsində isə ön kamera üçün nəzərdə tutulmuş kiçik dairəvi çıxıntı yerləşəcək. İnsayderlərin sözlərinə əsasən HTC U23 Pro Snapdragon 7 Gen 1 prosessoru vasitəsilə çalışacaq və 8/12 GB RAM, 108 MP-lik əsas arxa kamera və 4600 mAh enerji tutumlu batareya ilə təchiz olunacaq.