HTC U23 Pro-nun real fotoları ortaya çıxıb

    Bir neçə gün bundan öncə məlum oldu ki, HTC şirkəti hal hazırda HTC U23 Pro adlı yeni smartfon üzərində çalışır. İndi isə bu smartfonun fotoları internetdə ortaya çıxıb. Ortaya çıxmış fotolardan da görmək olar ki, HTC U23 Pro smartfonu dördlü arxa kameraya sahib olacaq və əsas arxa kamera 108 MP-lik olacaq. Smartfonda olacaq 108 MP-lik əsas arxa kamera həmçinin optik stabilizasiyanı dəstəkləyəcək. Smartfon 120 Hz-lik təsvir yenilənməsinə sahib ekranı özündə birləşdirəcək. Fotolara əsasən ekranın yuxarı mərkəz hissəsində ön kamera üçün nəzərdə tutulmuş kiçik dairəvi çıxıntı yerləşəcək. Məlumat sızıntılarında qeyd edilib ki, HTC U23 Pro Snapdragon 7 Gen 1 prosessoru vasitəsilə çalışacaq və 8/12 GB RAM ilə 4000 mAh enerji tutumlu batareyanı özündə birləşdirəcək. Smartfonun yaxın zamanda təqdim olunacağı gözlənilir.