HTC Vive Focus Vision adlı yeni VR cihaz təqdim edilib - QİYMƏTİ
Cihazlar+
19.09.2024
Emil Nəcəfov
HTC şirkəti öz yeni VR cihazını təqdim edib. Şirkətin yeni VR cihazı HTC Vive Focus Vision adlanır. Şirkətin bu yeni VR cihazı avtonom rejimdə çalışması ilə seçilir. Yəni ondan istifadə üçün onu mütləq şəkildə kompüterə qoşmaq lazım deyil. Bununla belə onda belə bir özəllik də var. Kompüterə qoşulma prosesi isə USB-C və ya DisplayPort girişi vasitəsilə reallaşdırılır. HTC Vive Focus Vision cihazı 120 dərəcəlik bucaq əhatəsinə sahib 5K keyfiyyətli ekranlarla təchiz olunub.
Avtonom rejimdə çalışma zamanı ekranlar 90 Hz-lik təsvir yenilənməsini, DisplayPort üzərindən kompüterə qoşulu halda isə 120 Hz-lik təsvir yenilənməsini təmin edirlər. DisplayPort üzərindən kompüterə qoşulma imkanı bu ilin sonuna kimi aktiv olacaq. Sözügedən cihaz Snapdragon XR2 prosessoru vasitəsilə çalışır. HTC Vive Focus Vision-un əsas üstünlüklərindən biri də odur ki, o, istifadəçi gözlərini izləyə bilir. İstifadəçinin hər bir göz hərəkəti saniyədə 120 dəfə təyin edilir.
Bunun sayəsində cihaz öz hesablama gücünü istifadəçinin baxdığı təsvirin formalaşdırılmasına yönləndirir. Nəticədə cihazın çalışma performansı yüksəlir. Bu funksiya üstəlik interfeys elementlərinin göz hərəkətləri vasitəsilə idarəsi imkanını mümkün edir. Lakin Apple Vision Pro-dakı eyni funksiyadan fərqli olaraq HTC Vive Focus Vision-da bu funksiya təcrübi xarakter daşıyır. Batareya sahəsi cihazın arxa hissəsində yerləşir. Cihaz bir dəfə şarj olunandan sonra 2 saat ərzində çalışa bilir. HTC Vive Focus Vision artıq satışa çıxıb və onun qiyməti 999$ təşkil edir.
Linki kopyala
Bənzər xəbərlər
Oxşar xəbərlər
HTC U24 Pro smartfonu təqdim edilib - QİYMƏTİ
HTC U24 Pro smartfonu təqdim edilib - QİYMƏTİ
HTC şirkəti keçən həftə söz vermiş olduğu kimi bugün öz yeni smartfonunu təqdim edib. Şirkətin yeni smartfonu HTC U24 Pro adlanır.
HTC-nin hansı yeni smartfonu təqdim edəcəyi məlum olub
HTC-nin hansı yeni smartfonu təqdim edəcəyi məlum olub
HTC şirkəti dünən yeni smartfonunun təqdimatını anons etdi. Şirkətin yeni smartfonu 12 iyun tarixində Tayvanda təqdim olunacaq.
HTC öz yeni smartfonunun təqdimatını anons edib
HTC öz yeni smartfonunun təqdimatını anons edib
HTC şirkəti öz yeni smartfonunun təqdimatını anons edib. Şirkət tərəfindən təqdim edilmiş posterə əsasən yeni smartfon 12 iyun tarixində təqdim ediləcək.
HTC-nin yeni smartfonunun ön panel dizaynı və bəzi texniki özəllikləri ortaya çıxıblar
HTC-nin yeni smartfonunun ön panel dizaynı və bəzi texniki özəllikləri ortaya çıxıblar
Bir neçə gün bundan öncə məlum oldu ki, HTC şirkəti yeni orta büdcəli smartfonu üzərində çalışır.
HTC-nin hazırladığı yeni orta büdcəli smartfon Geekbench testlərindən keçib
HTC-nin hazırladığı yeni orta büdcəli smartfon Geekbench testlərindən keçib
HTC şirkətinin hal-hazırda əsas gəlir mənbəyinin VR sahəsi olmasına baxmayaraq şirkət yeni smartfonların hazırlanması ilə məşğul olmağa davam edir.
Həftənin xəbərləri
