Huawei Band 9 smart qolbağının yeni fotoları təqdim edilib

     Keçən həftə Huawei şirkəti təqdimata hazırlaşan yeni smart qolbağının xarici görünüşünü sərgiləmişdi. Söhbət, Huawei Band 9-dan gedir. İndi isə WinFuture saytı sözügedən smart qolbağın yeni fotolarını və bəzi texniki imkanlarını təqdim edib. Təqdim edilmiş fotolardan da görmək olar ki, Huawei Band 9 smart qolbağı xarici görünüşcə Huawei Band 8-in kopyası olacaq. Texniki imkanlara gəldikdə isə məlumata əsasən Huawei Band 9 modeli 1.47 düym AMOLED ekranla təchiz olunacaq və özündə 180 mAh enerji tutumlu batareyanı birləşdirəcək. Bununla yanaşı smart qolbağın gövdəsi 5ATM standartı üzrə sudan qorunma özəlliyinə sahib olacaq.